კარიმ ბენზემას ძალიან გაუხარდა თავისი თანამემამულეს მადრიდში გადმობარგება და ჟურნალისტებთან საუბრისას პირობა დადო, რომ დაეხმარება ახალგაზრდა ფეხბურთელს.

"მადრიდის რეალში თამაში ბედის საჩუქარია, რომელიც ფეხბურთელმა უნდა დაიმსახუროს. ძალიან გამიხარდა რაფაელის გადმოსვლა სამეფო კლუბში, მას შეუძლია ჩემი იმედი ჰქონდეს. ყველანაირად ვეცდები ადაპტაციის გავლაში დავეხმარო, რათა მალე მოერგოს კლუბს."

"იგი ზიდანის რეკომენდაციით შეიძინა გუნდმა და მეტის თქმა საჭირო არ არის, ხოლო თავად ფეხბურთელმა კი იცოდა, რომ მადრიდის მატარებელი მეორეჯერ არ ჩამოივლიდა მის კარიერაში და სწორი გადაწყვეტილებაც მიიღო."

შეგახსენებთ კარიმ ბენზემა ლიონიდან 2009 წელს გადმოვიდა და ახალ გუნდთან შეჩვევა ძალიან გაუჭირდა, მან მხოლოდ გასული სეზონის ბოლოს აუღო ალღო მადრიდის რეალის თამაშს და ახლა სურს, რომ იგივე პრობლემა თავიდან ააცილოს ახალგაზრდა მცველს.