გასულ სეზონში, სამეფო კლუბმა 102 გოლის გატანა მოახერხა.

ნიშანდობლივია, რომ აღნიშნული გოლების 10 პროცენტი (10 გოლი), მადრიდელი მცველების ანგარიშზეა.რიგ შემთხვევებში, რამოსის (3), კარვალიოს (3), პეპესა (1) და მარსელოს (3) გოლებმა გადაწმყვეტი როლი ითამაშეს.

ანდალუზიელმა განაპირა დამცველმა, პირველი ბურთი მე-12 ტურში შეაგდო თერთმეტ მეტრიანის ნიშნულიდან, "ატლეტიკის" კარში.ამასთან ერთად, სეხიომ თითო-თითოჯერ "სარაგოსასა" და "სევილიის" მეკარეებიც დაამწუხრა.

ალბათ, ყველას გახსოვთ მე-2 ტურში კარვალიოს გამარჯვების გოლი "ოსასუნას" წინააღმდეგ (0-1).რომ არა პორტუგალიელის თავგანწირვა, მადრიდელები ერთ ქულას დასჯერდებოდნენ.რიკარდოს ანგარიშზეა, გოლები "ლევანტესა" და "ატლეტიკოს" წინააღმდეგ.

ასევე, უმნიშვნელოვანესი გოლი შეაგდო მარსელომ ბარსელონაში, სადაც "რეალს" 10 კაცით უწევდა "ესპანიოლთან" შერკინება.სამხრეთ ამერიკელმა არც "მალაგა" და "ვილიარეალი" დატოვა უგოლოდ.

და ბოლოს, გავიხსენოთ პეპეს გოლი სან სებასტიანში, როდესაც რონალდუმ თავისუფალი დარტყმა შეასრულა და "სოსიედადის" კარში ბურთი მხოლოდ კლეპერის ე.წ. "რიკოშეტის" წყალობით შეგორდა.

აქვე იმასაც დავამატებ, რომ მადრიდული დაცვითი ხაზი, შედეგიანობით პირველ ადგილზეა.ის უკან მოიტოვებს "ბარსელონას," "ატლეტიკის," სევილიას" (ყველას 6 გოლი), "ვილიარეალის" (4) და "ვალენსიას" (3) მცველებს.