ფრანგი ლასანა დიარას საკითხი კვლავ ღიაა, პრესაში მრავალი ჭორია გავრცელებული სამეფო კლუბის ნახევარმცველის შესახებ, მისით რამდენიმე ძლიერი კლუბი ინტერესდება. დღეს გავრცელებული ინფორმაციით ფრანგის შეძენა ტურინის "იუვენტუსსაც" სურს და მზად არის მოლაპარაკებების დასაწყებად...

ბებერ ქალბატონს უკვე დიდი ხანია ნახევარდაცვის ცენტრის გაძლიერება აქვს განზრახული, ლასი კი ამ რგოლში ერთ-ერთი საუკეთესოა. ყველაფერს ისიც უწყობს ხელს, რომ ფრანგი ნახევარმცველი "ბლანკოსის" ძირითად შემადგენლობაში რეგულარულად ვერ ხვდება, ამ ყველაფერმა შესაძლოა დაღი დაასვას მოთამაშის გადაწყვეტილებას.

იტალიელები არ ასახელებენ თანხას, რომელსაც დიარას სანაცვლოდ გაიღებენ, მაგრამ ერთი რამ ფაქტია, სამეფო კლუბი საკუთარ "10"-იანს პატარა ფასში არ გაყიდის, რადგან იგი ყოველთვის მზადაა გუნდის დასახმარებლად.