შვედმა ფორვარდმა, ზლატან იბრაჰიმოვიჩმა ჟურნალისტებს ინტერვიუ მისცა, სადაც განაცხადა, რომ იგი არ ითამაშებს მადრიდის "რეალში" მიუხედავად იმისა, რომ ჟოზე მოურინიოსთან ბრწყინვალე ურთიერთობა აქვს...

"პორტუგალიელი სპეციალისტი ყოველთვის იყო ჩემი კუმირი და ამ ადამიანს დიდ პატივს ვცემ, ჟოზე საკუთარი საქმის ნამდვილი პროფესიონალია და დარწმუნებული ვარ "ბლანკოსი" მისი მწვრთნელობის დროს სერიოზულ წარმატებებს მიაღწევს."

"მოურინიოს პატივს ვცემ, მაგრამ მის გუნდში თამაშს არ ვაპირებ, ჩემი მადრიდში გადასვლა წარმოუდგენელია. მინდა, რომ ყველა ჟურნალისტმა შეიგნოს და აღარ დაწეროს სტატიები ჩემი "გათეთრების" შესახებ."