ესპანეთში დაბრუნების შემდეგ გუტი არ იღლება ინტერვიუების დარიგებით. მადრიდის რეალის ყოფილი ფეხბურთელი ესტუმრა გადაცემა "Diаs dе Futbоl"-ს, სადაც ისაუბრა ნეიმარისა და აგუეროს შესაძლო ტრანსფერებზე, აგრეთვე პირველ სეზონზე ბეშიქთაშში.

ნეიმარისა და კუნ აგუეროს შესახებ

"ცოტა ხნის წინ ვესაუბრე ხილ მარინოს, აგრეთვე მოვისმინე პერესის განცხადება, სადაც მკაფიოდ ჩანდა მისი პოზიცია კუნის ტრანსფერთან დაკავშირებით. რეალი არ აპირებს მის შეძენას. სწორედ ამის გამო უნდა ვცეთ პატივი ფლორენტინოს და მადრიდის რეალს, რადგან ატლეტიკო იგივე ქალაქის გუნდია და ცუდი საქციელია თანაქალაქელებს გუნდის ლიდერი გამოგლიჯო. რაც შეეხება ნეიმარს იგი უფრო ახლოს რის რეალთან ვიდრე კუნი. ის ჯერ კიდევ ახალგაზრდა და დიდი ტალანტის პატრონია ვფიქრობ მისი მადრიდში გადმოსვლა ჯერ ნაადრევია, თუმცა თუ რეალი მის კონტრაქტს გამოისყიდის და არენდით დატოვებს სანტოსში ჭკვიანური ნაბიჯი იქნება."

სატრანსფერო ჭორები

"ყოველთვის საუბრობენ იმ ფეხბურთელებზე, რომლებიც მოდიან რეალში ან უნდა მოვიდნენ, თუმცა მათგან მხოლოდ რამდენიმე თუ გადმოვა სამეფო კლუბში. ნებისმიერი ფეხბურთელი, რომელსაც რეალს უკავშირებენ უმაღლესი კლასის უნდა იყოს, მაგალითად ისეთები, როგორებიც კუნი და ნეიმარი არიან. ვიმედოვნებ რეალი მნიშვნელოვნად გაძლიერდება, რადგან ბარსელონა ძალიან მაღალ დონეზე თამაშობს და მათთვის კონკურენციის გაწევა ახალი ფეხბურთელების დამატების გარეშე წარმოუდგენელია."

მოურინიოს მადრიდის რეალის შესახებ

"მე მოურინიოზე კარგი შთაბეჭდილება მაქვს, იგი არის ბრწყინვალე მწვრთნელი და რაც მთავარია არის სამართლიანი, სწორედ ეს აკლდა წლების განმავლობაში მადრიდის რეალს და ახლა გუნდი გაცილებით უკეთესად თამაშობს. ერთადერთი პრობლემა - ბარსელონაა, რომელიც რეალს სამივე ტურნირში დაუპირისპირდა, სამწუხაროდ ბლანკოსმა მხოლოდ ერთის მოგება შეძლეს, თუმცა ჩემი აზრით ესეც ძალიან მნიშვნელოვანი გამარჯვებაა. გულშემატკივრებისათვის შესაძლოა ეს ტურნირი ბევრს არ ნიშნავს, მაგრამ მის ღირებულებაზე ის მეტყველებს, რომ თეთრებმა იგი მათ უშუალო მეტოქეს მოუგეს. ჩემპიონთა ლიგაში თანაბარი ძალების გუნდები დაუპირისპირდნენ, მაგრამ საბოლოო ჯამში უფრო ძლიერმა გაიმარჯვა."

მისი პირველი წელი ბეშიქთაშში

"ვფიქრობ შესანიშნავი სეზონი ჩავატარეთ, თუმცა 2 ტურნირის მოგებაც შეგვეძლო, სამწუხაროდ მხოლოდ თურქეთის თასით დავკმაყოფილდით, აგრეთვე მოვიპოვეტ ევროპის ლიგაზე ასპარეზობის უფლება. იმედი მაქვს გუნდი გაძლიერდება და უფრო მაღალი მიზნებისათვის ვიბრძოლებთ."