ინგლისურ პრესაში გავრცელებული ინფორმაციით მიხედვით მანჩესტერ "სიტის" არ სურს ემანუელ ადებაიორის დაბრუნება და მზად არის ტოგოელს 5 მილიონ ევროდ შეელიოს...

მოგეხსენებათ, ემანუელი მადრიდს 6 თვის წინ იჯარის წესით შეუერთდა, 30 ივნისს კი მისი კონტრაქტი იწურება და იგი იძულებულია მანჩესტერში დაბრუნდეს, სწორედ ამიტომ დაჩქარდა ამ თემაზე საუბრის წამოწყება. არც ტოგოელს სურს ინგლისში დაბრუნება და არც "სიტის" ხელმძღვანელობა იწუხებს თავს ადებაიორის საქმეზე მუშაობით.

დღეს გავრცელებული ცნობით მანჩესტერელებმა "ბლანკოსს" წინადადებით მიმართეს, რომლის მიხედვითაც ისინი მზად არიან ემანუელი 5 მილიონ ევროდ დათმონ, რაც არც ისე დიდი თანხაა მადრიდული გიგანტისთვის.

შეგახსენებთ, როდესაც ადებაიორი "რეალში" მოვიდა მის კონტრაქტში ჩაიწერა პუნქტი, რომლის მიხედვითაც, თუკი "ბლანკოსს" მისი გამოსყიდვის სურვილი ექნებოდა, 17 მილიონის გადახდა მოუწევდა, ახლა კი ვითარება რადიკალურად არის შეცვლილი.