ხერესსთან მატჩის დასრულების შემდეგ პორტუგალიელმა მცველმა პეპემ განაცხადა, რომ ძალიან გახარებულია თავისი გუნდის წარმატებით და სურს ,,ბლანკოსთან” ერთად ლა ლიგაში თამაში...

,,ძალიან გახარებული ვარ, მატჩს ტრიბუნიდან ვადევნებდი თვალს, როგორც კი შეხვედრა დასრულდა გასახდელში შევედი და თანაგუნდელებს ეს შესანიშნავი გამარჯვება მივულოცე, გუნდმა ითამაშა ძალიან ორგანიზებულად და ეს ძალიან მახარებს, პელეგრინი შესანიშნავი მწვრთნელია, მე მისგან ძალიან ბევრი რამის სწავლა შევძელი, ახლოვდება დრო, როდესაც ჩემი დისკვალიფიკაცია დასრულდება და შემეძლება პრიმერაში თამაში, მე მოუთმენლად ველი ამ დღეს”.

,,მატჩის საუკეთესო ფეხბურთელი უდავოდ კრისტიანო რონალდო იყო, მთელი სტადიონი მას ოვაციებით აცილებდა, ეს ტაში მან ნამდვილად დაიმსახურა. 2 გოლი და ძალიან აქტიური თამაში, საოცარია, მეტს ვერაფერს ინატრებს ფეხბურთელი, კრისტიანო ჩემი მეგობარია და მე მისი მჯერა, ის იქნება სამეფო კლუბის მთავარი ფიგურა, დარწმუნებული ვარ მას ჯერ შესაძლებლობების მაქსიმუმი არ გამოუმჟღავნებია, იგი კიდევ მოუმატებს და გაიბრწყინებს” - განაცხადა პეპემ.