მადრიდის რეალის პოლონელმა ექსმეკარემ ისაუბრა კარიმ ბენზემაზე. მან აღნიშნა, რომ ფრანგი უდიდესი ტალანტის პატრონია და მისი აზრით იგი მალე ფენომენსაც აჯობებს.

"როდესაც პირველად ვნახე თუ როგორ ვარჯიშობდა ბენზემა გავოცდი. მეგობრებთან საუბრისას კი განვაცხადე, რომ მადრიდის რეალმა განსაკუთრებული ფეხბურთელი შეიძინა. არავინ იცის მისი რეალური პოტენციალი, იგი არის სწრაფი და ტექნიკური, რაც მთავარია აქვს გოლის ალღო. ჩემთვის იგი ბრაზილიელ რონალდოზე უკეთესი თავდამსხმელია!"

"მოურინიო ბრწყინვალე ტაქტიკოსის გარდა კარგი ფსიქოლოგიც არის და მან იცის როგორ უნდა იმუშაოს ფეხბურთელებთან. იგი არასოდეს ტოვებს შეგირდს განსაცდელში და შეუძლია ნებისმიერ ადამიანს აუმაღლოს მოტივაცია, რაც წარმატების მიღწევაში ეხმარება, როგორც მოთამაშეს, ასევე გუნდს."

"ბენზემას პირველი სეზონი მადრიდში ძალიან რთული გამოდგა, არც ეს ჩემპიონატი ყოფილა მისთვის წარმატებული, თუმცა წინასთან შედარებაც კი არ ღირს. მთავარი კი ის არის, რომ კარიმი გაიხსნა და გუნდში თავს შესანიშნავად გრძნობს, იგი მადრიდის რეალის მომავალია!"