რაული აგრძელებს რეკორდების დამყარებას. წარსულს ჩაბარდა დი სტეფანოს რეკორდო. დღეს რაული გაიმაორებს მანოლო სანჩისის რეკორდს, "რეალში" ჩატარებული მატჩების მხრივ. კაპიტანს ჩატარებული ექნება 523 მატჩი. რაული ამაყობს, რომ დღეს გააუმჯობესებს საუკეთესო მეგობრის რეკორდს და მოხარულია ამით. "დაამყარო ისეთი ფეხბურთელის რეკორდი, როგორიც სანჩისია მაძლევს ახალ სტიმულს ჩემს კარიერაში. როცა პატარა ვიყავი, ის მაოცებდა თავისი თამაშით. ვიცოდი, რომ როცა სანჩისი იდგა დაცვაში ნაკები საფრთხე ექმნებოდა კარს".

რაულმა პრიმერაში გამოტოვა მხოლოდ 50 მატჩი, ხოლო "ბარსელონასთან" გამართული აქვს 29 მატჩი. მიუხედავად ასეთი მიღწევებისა, რაული მუდამ თავმდაბალი იყო: "მე არ ვთამაშობ იმის გამო, რათა დავამყარო რეკორდები. მე ის მომენტი მომწონს, როცა "რეალი" ტიტულს იგებს. რჩება გასაუმჯობესებელი რეკორდები, რომლებსაც სხვა მოთამაშე გააუმჯობესებს, რომელიც ჩემზე უკეთესი იქნება. ისეთი ფეხბურთელების რეკორდების გაუმჯობესება, როგორებიც დი სტეფანო, სანჩისი, უგო სანჩესი ან ზარა იყვნენ, ჩემში იწვევს დიდ სიამაყეს".

522 მატჩში რაულმა ბოლომდე ითამაშა 371 შეხვედრა, 492 მატჩში გამოვიდა სასტარტო შემადგენლობაში. მან გაიტანა 224 გოლი, 35–ჯერ გამოიჩინა თავი დუბლით და სამჯერ ჰეტ–თრიკით.მაგრამ ეს მიღწევები "რეალის" კაპიტანისთვის ცოტაა: "მე კიდევ ბევრი მაქვს გასაკეთებელი, მე ისევ მსურს ტიტულები".


ინფორმაციის წყარო: As.com