მადრიდის "რეალის" საპატიო პრეზიდენტმა ალფრედო დი სტეფანომ "მარკა"-სთან ინტერვიუში საქებარი სიტყვები არ დაიშურა თავის თანამემამულე, ანხელ დი მარიას მიმართ.

ფეხბურთის ისტორიაში ერთ-ერთი საუკეთესო გოლეადორი თვლის, რომ არგენტინელმა თავისი პოტენციალი ჯერ ბოლომდე არ გამოავლინა.

"დი მარია-ფენომენალური ფეხბურთელია. მას შესანიშნავი სათამაშო თვისებები აქვს, რომლებიც მან უნდა განავითაროს. ანხელს ბევრად უკეთესად შეუძლია თამაში. რა თქმა უნდა მას გაუჭირდა "რეალის" თამაშთან ადაპტირება, რადგან ის სულ სხვა დონეზე სათამაშოდ მოვიდა. მაგრამ თავად გუნდმაც აგრეთვე უნდა იპოვოს საკუთარი თამაში, რისთვისაც წლებია საჭირო"-განაცხადა დი სტეფანომ.