მოგეხსენებათ, სამუელ ეტო'ოს შეძენით რამდენიმე გრანდია დაინტერესებული, მათ შორის გახლავთ, მადრიდის "რეალის" რომლის მთავარ მწვრთნელს, ჟოზე მოურინიოს სამუელთან ბრწყინვალე ურთიერთობა აკავშირებს. დაინტერესებებთან დაკავშირებით ეტო'ომ განაცხადა, რომ ყოველთვის კარგია სხვადასხვა გუნდის თვალთახედვის არეში მოქცევა, მაგრამ იგი ამჟამინდელი კლუბიდან წასვლას არ გეგმავს...

"იტალიაში ჩემ გადმოსვლას ბევრი ადამიანი უყურებდა სკეპტიკურად, რადგან "ბარსელონას" და ესპანური ფეხბურთის ფილოსოფიას შესანიშნავად ვიყავი შეგუებული, ყველაფერი ჟოზე მოურინიომ მოახერხა და სერია "ა"-ს სპეციპიკასაც მივხვდი, "ინტერში" თავს ბრწყინვალედ ვგრძნობ."

"არამგონია ხელმძღვანელობას ჩემი გაშვება უნდოდეს, რადგან გუნდისთვის ყველაფერს ვაკეთებ, ყველა კოლექტივს პატივს ვცემ, რომელიც ჩემით ინტერესდება, მაგრამ ამჟამად არსად არ მსურს წასვლა, რადგან იტალიაში თავს მშვენივრად ვგრძნობ და ძალიან კარგი გუნდის მაისური მაცვია."