"მანჩესტერ სიტი" დათანხმდა ადებაიორის გაშვებაზე. ფეხბურთელის კონტრაქტის გამოსყიდვის ფასი 17 მილიონ ევროს შეადგენს, მაგრამ როგორც აცხადებენ, ინგლისელები თანხმდებიან თანხის დაკლებაზე და 5 დან 7 მილიონ ევროთიც დაკმაყოფილდებიან, ასე რომ როგორც ჩანს, აფრიკელი განაგრძობს მადრიდში ცხოვრებას.

რობერტო მანჩინის არ სურს ადებაიორის დაბრუნება და საკუთარ გუნდში ხილვა. ფეხბურთელის ურთიერთობა ქალაქელებთან ძალზედ ცუდად დასრულდა. მან კოლო ტურესთანაც კი იჩხუბა. გარდა ამისა, კლუბი წელიწადში 42 მილიონ ევროს დაზოგავს.

ადებაიორის გუნდში დატოვების სურვილს ჟოზე მოურინიო გამოთქვამს. გარდა იმისა რომ იგი სტანდარტებზე კარგად თამაშობს თავით, მისი სიმაღლის ხარჯზე დაცვაში მაღალი თავდასხმელების "აყვანა" ხდება უფრო ადვილი.

ერთადერთი დანაკლისი მანუსთვის იქნება ის, რომ მას ხელფასი ორჯერ ნაკლები გაუხდება. ინგლისში ის 7 მილიონ ევროს იღებდა, მადრიდში კი 3,5-ს მიიღებს, ამდენივე აქვს იგუაინს, პეპეს, რამოსს და ლასანას.

მადრიდის "რეალს" აწყობს ის, რომ ადებაიორს ასე სურს "რეალში" დარჩენა, ფეხბურთელმა თქვა კიდეც, რომ მზადაა მოიკლოს ფული "რეალში" დარჩენისათვის. ასე რომ, როგორც ჩანს, ტოგოელი ფეხბურთელი დიდი ხნით მოირგებს თეთრ მაისურს.