მანჩესტერ "სიტის" არგენტინელმა ფორვარდმა, კარლოს ტევესმა განაცხადა, რომ ზაფხულის სატრანსფერო ფანჯრის დროს რამდენიმე შეთავაზებას განიხილავს, რომელიც მის მიმართ გაკეთდება...

ცნობილია, რომ ხსენებული მოთამაშის შეძენით ინტერესდებიან "მილანი", "ჩელსი", "რეალი" და "მალაგა". ყველაზე კარგ პირობებს რა თქმა უნდა "მალაგას" ხელმძღვანელობა პირდება ფეხბურთელს, მაგრამ ეს გუნდი სხვა დანარჩენებისგან ბევრად განსხვავდება.

"არ ვიცი ინგლისში დავრჩები თუ არა, რადგან პრემიერ ლიგაში თამაში უკვე დიდი ხანია დავიწყე. ყველა წინადადებას განვიხილავ და საუკეთესოს ამოვარჩევ."

"საამაყოა, რომ ჩემით ისეთი გრანდები ინტერესდებიან , როგორებიც მადრიდის "რეალი", "ჩელსი" და "მილანი" არიან, ეს იმაზე მეტყველებს, რომ სათამაშო კლასი ბევრად ავიმაღლე, თუმცა გრანდში თამაშის საშუალება ცოტა ხნის წინ ისედაც მქონდა."

"ველოდები მოვლენათა განვითარებას და ზაფხულის სატრანსფერო ფანჯარას, გამორიცხული არაფერია, შესაძლოა სიტის შემადგენლობაში დავრჩე" - განაცხადა ტევესმა.