მოგეხსენებათ, მადრიდის "რეალში" გადასვლის შემდეგ პედრო ლეონის წინსვლა შეჩერდა, გასულ სეზონში ესპანელმა მოთამაშემ მხოლოდ ივარჯიშა, ჩატარებული მატჩების რაოდენობის თქმა ზოგს სასაცილოდაც არ ეყოფა, ამიტომ ახალგაზრდა პერსპექტიული მოთამაშე ამ ზაფხულს "ბლანკოსის" რიგებიდან აუცილებლად წავა...

ზამთრის სატრანსფერო ფანჯრის დროს პედროს იჯარით აყვანა "მილანს" სურდა, მაგრამ ვალდანომ და პერესმა ახალგაზრდა ფეხბურთელი იტალიაში არ გაუშვეს იმ იმედით, რომ ჟოზე შეგირდს გაცილებით უფრო მეტ დროს მისცემდა, ვიდრე სეზონის პირველ ნახევარში აძლევდა, მაგრამ იმედი იმედად დარჩა.

Sky Italia-ზე დაყრდნობით "როსონერის" ინტერესი პედროს მიმართ აღარ არსებობს, მაგრამ ესპანელს იტალიიდან ერთი გუნდი უკვე ეხმაურება. საუბარია "ჯენოაზე" , რომელიც ნახევარდაცვის გაძლიერებას ცდილობს, ხელმძღვანელობის აზრით ლეონი იტალიურ გუნდს ძალიან გამოადგება, რადგან პედრო ბრწყინვალე ტექნიკას ფლობს.

შეგახსენებთ, რამდენიმე საათის წინ ცნობილი გახადა, რომ "ბლანკოსს" ოფიციალურად შეუერთდა ჰამით ალტინტოპი, რომელიც ასევე ნახევარმცველია, "რეალში" ამ პოზიციაზე მოთამაშე ფეხბურთელთა რაოდენობას კიდევ ერთი შეემატა, ასე რომ ზაფხულში ესპანურ გიგანტს აუცილებლად დატოვებს რამდენიმე შუახაზელი.