როგორც უცხოური ვებ პორტალი "TribalFootball" იტყობინება, "მანჩესტერ იუნაიტედს" სურს დიდი ხნის ოცნება აიხდინოს და მადრიდის "რეალიდან" გადმოიბიროს ფრანგი ფორვარდი, კარიმ ბენზემა.

ფერგიუსონი უკვე კარგა ხანია კარიმზე ფიქრობს, მისმა პირველმა ცდამ უშედეგოდ ჩაიარა, რადგან ფლორენტინო პერესმა იდეალური შეთავაზება გაუკეთა "ლიონის ოლიმპიკს" და საკუთარ კლუბში ჩარიცხა კარიმი, თუმცა უნდა აღინიშნოს რომ ფერგი ”მამალთა” ფორვარდის სანაცვლოდ 40 მილიონს ჩამოდიოდა.

როგორც "El Confidencial" იტყობინება "მანჩესტერი" კვლავ ცდილობს შეიძინოს კარიმი, ამჯერად ისინი 35 მილიონის გადახდას აპირებენ. ბენზემას ამჟამინდელი მდგომაორება გუნდში არც ისე სახარბიელოა, ფრანგს ძირითადში თამაში იშვიათად უწევს და შეცვლებზეც იშვიათად შემოდის. ამ ფაქტორს კიდევ ის ერთი გარემოებაც ემატება - მადრიდელთა მთავარი სამიზნე - ფერნანდო ლორენტე უკვე ხელმისაწვდომია და შესაბამისად დიდი შანსი იმისა, რომ ის მომავალ სეზონში თეთრი მაისურით ვიხილოთ.

წყარო - TribalFootball.Com