"რეალი" და "მილანი" სერიოზულ ვარსკვლავურ ბარტერს ამზადებენ. ესპანური პრესის ცნობით, "ბლანკოსის" ნახევარმცველი დაბრუნდება იტალიაში, ესპანური კლუბი კი საპასუხოდ თავდასხმელ ზლატან იბრაჰიმოვიჩს მიიღებს.

29 წლის კაკა მადრიდში 2009 წლის ზაფხულში ზუსტად "მილანიდან" გადმოვიდა, მაგრამ მან დღემდე ვერ შეძლო გუნდის ძირითადში ადგილის დამკვირდება, რის მიზეზიც ნაწილობრივ ტრავმებია. "როსონერის" ხელმძღვანელობა პრეზიდენტ სილვიო ბელუსკონისა და ადრიანო გალიანის სახით, უკვე მერამდენედ აცხადებენ რომ კაკას სახლში დაბრუნებას მიესალმებიან.

როგორც Football Italia აცხადებს, ტრანსფერის საერთო ფასი 25 მილიონ ევროს შეადგენს. ამასთანავე "რეალში" გაემგზავრებბა შვედი თავდასხმელი ზლატან იბრაჰიმოვიჩი, რომელსაც უკვე უმუშავია Special One-სთან მილანის "ინტერში".

იბრაჰიმოვიჩის შეძენის შემთხვევაში, "რეალს" სავარაუდოდ დატოვებს ფრანგი თავდასხმელი ქარიმ ბენზემა, რომელსაც ტურინის "იუვენტუსში" ელიან.