"ხეტაფესთან" შეხვედრაში კრიშტიანო რონალდომ 3-ჯერ მოახერხა მეტოქის კარის აღება და საკუთარი აქტივი გააუმჯობესა...

რონალდომ შეხვედრის შემდეგ ციფრები უფრო შთამბეჭდავი გახადა, ბოლო გოლი, რომელიც მან თანაქალაქელებს გაუტანა მისთვის წლევანდელ ლა ლიგაში 36-ე აღმოჩნდა, ყველა ტურნირზე კი 49-ე. ამ მაჩვენებლის კრიშტიანომ გააუმჯობესა ისეთი ფეხბურთელის რეკორდი, როგორიც ფერენც პუშკაში იყო. მის ანგარიშზე სეზონის ბოლოს 47 გოლი იყო.

პორტუგალიელმა ფეხბურთელმა ლა ლიგაში 36 გოლის გატანა მოახერხა. ჩემპიონთა ლიგაზე მისი მონაგარი 6 გოლს შეადგენს, ხოლო სამეფო თასზე მან შვიდჯერ მოახერხა მეტოქეთა კარის აღება. განსაკუთრებული მეშვიდე გოლი აღმოჩნდა, რომელიც მან კატალონიის "ბარსელონას" გაუტანა და სამეფო თასის მფლობელი სწორედ "ბლანკოსი" გახდა.

აღსანიშნავია, რომ ესპანეთის პრიმერა დივიზიონის დასრულებამდე კიდევ 2 შეხვედრაა დარჩენილი. კრიშტიანოს კი შანსი აქვს, რომ უკვე საკუთარი რეკორდი გააუმჯობესოს.