გუშინ, სამეფო კლუბის მთავარ გუნდში ახალგაზრდა კასტილიელს, მეხიასს ჰქონდა დებიუტი, რომელიც შეხვედრის შემდეგ ძალიან გახარებული და ბედნიერი ჩანდა...

"ძალიან გახარებული ვარ, არ ველოდი მოედანზე შესვლას, როდესაც მწვრთნელმა დამიძახა და მითხრა, რომ გავხურებულიყავი, აღფრთოვანებული და გაკვირვებული დავრჩი, ეს ჩემთვის ძალიან სასიამოვნო იყო. პირველ გუნდთან ერთად თამაში ნებისმიერი კასტილიელისთვის საამაყოა, ამ ფაქტით მეც და ყველა ჩემი გულშემატკივარი გახარებულები ვართ, დარწმუნებული ვარ მშობლებს ძალიან გაუხარდათ ჩემი მოედანზე გამოჩენა."

"ბოლო წლებში აღმავლობის პერიოდიც მქონდა და დაშვების დროც, მაგრამ ამჟამად "ბლანკოსის" მთავარ გუნდთან ერთად ვითამაშე და ბედნიერი ვარ. როდესაც მოედანზე შევედი ყველა თანაგუნდელმა გამამხნევა, მათ მითხრეს, რომ არ მენერვიულა და ისე მეთამაშა."

"ახლა კასტილიაზე უნდა გადავერთო, რომელიც მნიშვნელოვან ეტაპზე იმყოფება, ჩვენ გვსურს სეგუნდა დივიზიონში გადასვლა და ამისთვის ძალას არ ვიშურებთ, ყველაფრისთვის მზად ვართ."