ფრანგულმა გამომცემლობა francefootball-მა გაავრცელა საკმაოდ სკანდალური ინფორმაცია, რომლის მიხედვითაც მადრიდის რეალს რაფელ ბენიტესის დაბრუნება სურს.

როგორც ჟურნალი იუწყება ბენიტესის აგენტი, მანუელ გარსია კუილონი შეხვდა მადრიდის რეალის ერთ-ერთი გენერალურ დირექტორს (ხოსე ანხელ სანჩესს). სამშაბათს ბარსელონასთან მატჩის შემდეგ, ერთმანეთს შეხვდებიან ფლორენტინო პერესი და ჟოზე მოურინიო, რომლებიც ისაუბრებენ სამომავლო გეგმებზე, ხოლო მეორე დღეს მედია საშუალებებს აცნობენ თავიანთ გადაწყვეტილებას. იმ შემთხვევაში თუ რომელიმე მხარე უარს განაცხადებს თანამშრომლობის გაგრძელებაზე, მაშინ მადრიდის რეალს უნდა ჰყავდეს სათადარიგო მწვრთნელი, რომელიც ჩაანაცვლებს ჟოზეს, საუკეთესო კანდიდატურად კი მადრიდში რაფა ბენიტესი მიაჩნიათ.