მაშ ასე, ჟოზე მოურინიოს შეგირდებს "კამპ ნოუზე" ჰანდიკამპით გამარჯვება ესაჭიროებათ. მათ უნდა მიბაძონ 2001-2002 წლების სეზონის "რეალს", რომელმაც ნახევარფინალში "ბარსელონა" დაამარცხა კატალონიაში 2-0 ზიდანისსა და მაკმანამანის გოლების წყალობით. სწორედ ამ სეზონში "რეალი" რიგით მეცხრე ჩემპიონთა ლიგის თასს დაეუფლა.

ალბათ ყველა თანხმდება იმაზე, რომ ურთულესია შემდეგ ეტაპზე გასვლა, მაგრამ არა შეუძლებელი. დღევანდელ და 9 წლის წინანდელ დაპირისპირებებს შორის ის განსხვავებაა,რომ მაშინ სწორედ "რეალი" ფლობდა იმ უპირატესობას, რასაც დღეს "ბლაუგრანა" ფლობს.(იგულისხმება სტუმრად 2-0 გამარჯვება) . "კამპ ნოუზე" ანგარიში ზიდანმა გახსნა მეათე წუთზე, ხოლო მაკმანამანმა დამატებით დროში საბოლოო წერტილი დასვა. განმეორებითი შეხვედრა "ბერნაბეუზე" ფრედ - 1-1 დასრულდა.

9 წლის შემდეგ დადგა დრო,რომ "რეალმა" კვლავ გაიბრწყინოს "კამპ ნოუზე" და დაამრცხოს "ბარსა" ორ ბურთიანი სხვაობით. მხოლოდ ასე შეიძლება მოხვდეს "ბლანკოსი" ფინალში, რომელიც "უემბლიზე" 28 მაისს გაიმართება.