კაკა ზედიზედ მეორე შეხვედრაა, რაც თამაშს ძირითადი შემადგენლობიდან იწყებს. წინა ტურში მან "ვალენსიასთან" დუბლი შეასრულა. დღევანდელ თამაშზე საუბრისას ბრაზილიელმა ფეხბურთელმა განაცხადა: "სურათებიდანაც ნათლად ჩანს, რომ თერთმეტმეტრიანი უნდა დანიშნულიყო. პირველი ნახევარი ცუდად ვითამაშეთ. მეორე ნახევარში კი ვცდილობდით თამაში ჩვენს სასარგებლოდ შემოგვეტრიალებინა."

ბრაზილიელმა ასევე აღნიშნა: "კლუბი ძალიან გადაღლილი იყო ფსიქოლოგიურად, მაგრამ მიუხედავად ამისა, ჩვენ მუშაობა უნდა გავაგრძელოთ. მანამ სანამ ჩემპიონობის მათემატიკური შანსი არსებობს, "მადრიდის რეალი" ბოლომდე იბრძოლებს."

ბოლოს კაკამ ისაუბრა ჩემპიონთა ლიგის განმეორებით შეხვედრაზე, სადაც მისი კლუბი "ბარსელონას" "კამპ ნოუზე" დაუპირისპირდება: "ეს შესანიშნავი თამაში იქნება. ჩვენ იმავე მენტალიტეტით ვითამაშებთ, რა მენტალიტეტითაც ვითამაშეთ "სარაგოსას" წინააღმდეგ მეორე ნახევარში."

წყარო: RealMadrid.com