ესპანური გამოცემა ”მარკას” მიერ გავრცელებული ინფორმაციის თანახმად, ესპანეთის ფეხბურთის ფედერაციის სპორტული დირექტორი ფერნანდო იერო, შესაძლოა მშობლიურ კლუბს, ”მადრიდის რეალს” დაუბრუნდეს. “სამეფო კლუბში” ამ საკითხზე აქტიურად მუშაობენ და სავარაუდოდ, წარმატებითაც დაასრულებენ მოლაპარაკებას. იერო “რეალში” ერთ-ერთ ადმინისტრაციულ თანამდებობაზე დაინიშნება, რამაც შესაძლოა, კლუბის გენერალურ დირექტორის, ხორხე ვალდანოს უფლებების შეზღუდვა გამოიწვიოს. თავად იერო აცხადებს, რომ გადაღლილია და მომავალზე მხოლოდ დასვენების შემდეგ დაფიქრდება. იგი ესპანეთის ფეხბურთის ფედერაციას ივნისში დატოვებს.