როგორც იცით, მადრიდის ”რეალის” ბრაზილიელმა გამთამაშებელმა, რიკარდო კაკამ, შესანიშნავი მატჩი ჩაატარა ”ვალენსიას” წინააღმდეგ. მან გაიტანა ორი გოლი და ასევე მის აქტივს ამდენივე საგოლე პასი დაუმატა. მატჩის შემდეგ, რიკი თამაშის საუკეთესო ფეხბურთელად დასახელდა...

22 აპრილს, ბრაზილიელს 29 წელი შეუსრულდა და მან მისი დაბადების დღე მოგვიანებით, მეორე დღეს აღნიშნა შესანიშნავი თამაშით. აქამდე, ის ძველებურად ვერ გამოიყურებოდა და არანაირი იმედი არ არსებობდა იმისა, რომ კაკა დაბრუნდებოდა, თუმცა რიკარდომ ჩვეულ სტილში ითამაშა ”ვალენსიასთან” და გულშემატკივარს დიდი იმედები ჩაუსახა.

”მილანის” ყოფილი ფეხბურთელის ბრწყინვალე თამაში არც ჟოზე მოურინიოს დაუტოვებია უყურადღებოდ, რომელმაც განაცხადა: ”ყველამ ვნახეთ, თუ რა ტალანტი აქვს ამ ფეხბურთელს. მას შეუძლია ურთულესი სიტუაციიდან ლამაზად გამოძრომა. ”ვალენსიასთან” მატჩში, კაკას თვითდაჯერებულობა შეემატა და მჯერა, რომ ის ძალიან დაგვეხმარება”.

კაკამ მადრიდის ”რეალის” შემადგენლობაში 15 გოლის გატანა მოახერხა და თუ გავითვალისწინებთ იმას, რომ ამ ორი სეზონის განმავლობაში, მას ძალიან ბევრი გაუცდა, ეს არ იქნება ურიგო შედეგი. როდესაც, რიკი მოედანზეა, ის ძალიან შედეგიანია.