ესპანურ და ბრიტანულ პრესაში ძალიან დიდი მითქმა-მოთქმაა იმის შესახებ, რომ ვიდიჩით ორი ესპანური გრანდი არის დაინტერესებული. მანჩესტერელთა კაპიტანმა კი განაცხადა, რომ მას ინგლისში დარჩენა სურს და არანაირი ინტერესეი არ აქვს ბარსელონასა და რეალთან დაკავშირებით.

"ბარსელონას და მადრიდის რეალის შემოთავაზებებზე ინფორმაცია მომაწოდეს, თუმცა არცერთი გუნდი მანჩესტერ "იუნაიტედის" გარდა, არ მაინტერესებს. ძალიან მინდა კარიერა სწორედ მანჩესტერში დავამთავრო."

"დღესდღეისობით არსებულ ყველა ჭორს ვუარყოფ. კიდევ ერთხელ გავიმეორებ, რომ არსად წასვლას არ ვაპირებ. მანჩესტერი ჩემი კარიერის საუკეთესო კლუბია." - განაცხადა სერბმა ფეხბურთელმა. იგი წითლების რიგებში 2009 წლიდან ასპარეზობს და კონტრაქტის ვადა 2012 წელს ეწურება.