"ბარსელონასთან" შეხვედრის დასრულების შემდეგ, სამეფო კლუბის ვიცე კაპიტანმა, სერხიო რამოსმა "ბერნაბეუს" პუბლიკას დიდი მადლობა გადაუხადა მხარდაჭერისთვის...

"ეს იყო ბრწყინვალე შეხვედრა, რომლის მოგება შეგვეძლო, მაგრამ რაულ ალბიოლის მოედნიდან გაძევებამ ბევრი რამ შეცვალა. ჩვენ არ გაგვიმართლა, გვგქონდა რამდენიმე ისეთი მომენტი, როდესაც გოლი აუცილებლად უნდა გაგვეტანა, მაგრამ იღბალმა გვიმტყუვნა. ამ შედეგით დაკმაყოფილება რა თქმა უნდა არ შემიძლია, რადგან ლა ლიგისთვის ბრძოლას ფაქტიურად გამოვეთიშეთ."

"აუცილებელია, რომ არ მოვდუნდეთ და "ბარსელონაზე" მუდმივი ზეწოლა მოვახდინოთ. პრიმერას მოგებაზე ხელი არავის ჩაუქნევია, ბოლომდე ვიბრძოლებთ. დღევანდელ შეხვედრაში ჩვენ დავამტკიცეთ, რომ ერთსულოვანი გუნდი ვართ, მადრიდის "რეალში" უმაღლესი კლასის ფეხბურთელები ირიცხებიან, რომლებსაც დღეს მოგება შეეძლოთ, მაგრამ 10 კაციანი შემადგენლობით ძლიერი მეტოქის დამარცხება დიდ სირთულეებს უკავშირდება."

"მოთამაშეების განწყობა ისედაც ძალიან კარგი იყო, მაგრამ "ბერნაბეუზე" შეკრებილმა ინჩადამ უფრო მეტი ბრძოლის ჟინი გამოგვიმუშავა, დიდ მადლობას ვუხდი ფანებს, დღეს მათ მართლაც დაგვანახეს, რომ არასდროს მიგვატოვებენ."