"ტოტენჰემის" დამრიგებლის, ჰარი რედნაპის განცხადებით, სერ ალექს ფერგიუსონის პენსიაზე გასვლის შემდეგ, "მანჩესტერ იუნაიტედს" სათავეში ჟოზე მოურინიო ჩუადგება.

მოგეხსენებათ, მიმდინარე სეზონში რედნაპს ჰქონდა შანსი "რეალის" დამარცხებისა, ჩემპიონთა ლიგის 1/4 ფინალურ ეტაპზე, თუმცა "სპურსები" დაემშვიდობნენ ტურნირს ბურთების შეფარდებით 0:5, მადრიდის "რეალის" სასარგებლოდ.

როგორც მწვრთნელს, ჰარი რედნაპს არასდროს დაუმარცხებია ჟოზე, მაშინაც კი, როდესაც მოურინიო "ჩელსის" ედგა სათავეში. "რეალის" მაჟამინდელ თავკაცს ძალიან დიდი სურვილი აქვს პრემიერ ლიგაში გადაბარგებისა, ამიტომაც "ტოტენჰემის" დამრიგებელი თვლის, რომ სწორედ "მანჩესტერს" გაწვრთნის ჟოზე.

"ყველა იმ მწვრთნელთან, ვისთანაც კი ურთიერთობა მქონდა მიმდინარე ჩემპიონთა ლიგაზე, საუკეთესო იყო ჟოზე მოურინიო. ის ერთი თავით მაღლა დგას სხვა დანარჩენზე. მართალია ზოგს იგი უყვარს და ზოგს სძულს, მაგრამ იგი უდიდესი სპეციალისტია".

"მე ერთერთი იმათთაგანი ვარ, ვისაც იგი ძალიან მოსწონს. დიდ პატივს ვცემ პორტუგალიელს და ვთვლი, რომ იგი სერ ალექს ფერგიუსონის ღირსეული შემცვლელი იქნება. ის მომავალში აუცილებლად გაწვრთნის "მანჩესტერ იუნაიტედს".

"თუმცა ალექსი ყოველ ჯერზე უფრო ახალგაზრდა მეჩვენება. ის არასდროს ეცემა და არასდროს იღლება. იგი უდიდესი ინთუზიაზმის მქონე ადამიანია. მას სურს მუშაობის გაგრძელება და ჟოზეს დაცდა მოუწევს". დაასრულა ჰარი რედნაპმა.

წყარო: Www.Soccer.Ru