ტოგოელმა თავდამსხმელმა "არსენალის" მაისურით 8-ჯერ მოახერხა "სპურსების" კარის აღება. პირველად მან 2006-2007 წლების სეზონში გაიტანა. აღნიშნულ სეზონში "პანტერამ" 3-ჯერ დალაშქრა "ტოტენჰემის" კარი, ხოლო მომდევნო სეზონში 4-ჯერ. ემანუელმა 2007-2008 წლების სეზონში დუბლიც შეასრულა, სწორედ მისი გოლების წყალობით მოიგეს "მეთოფეებმა" 3-1. 2008-2009 წლებში მან მხოლოდ ერთხელ გაიტანა, ხოლო "სიტიში" გატარებული სეზონში ვერცერთხელ ვერ დალაშქრა "სპურსების" კარი. მაგრამ ის გადმოვიდა მადრიდის "რეალში" და "ტოტენჰემთან" პირველივე მატჩში ძალიან მნიშვნელოვანი დუბლი გაიფორმა. ტოგოელმა ორივე ბურთი თავით შეაგდო. მას მხოლოდ 2 თვე დასჭირდა იმისთვის,რომ "თეთრი" მაისურით სამ ჩემპიონატზე გაეტანა გოლი. პირველად მან 6 თებერვალს გაიტანა "სოსიედადის" წინააღმდეგ "ლა ლიგის" მატჩში. 4 დღეში კი "კოპა დელ რეიზე" "სევილიას" კარი დალაშქრა.