"პრიმერა დივიზიონის" დასრულებამდე 7 ტური რჩება. მადრიდის "რეალის" შანსები მინიმალურია, ვინაიდან კატალონიელებმა კვლავინდებურად მოახერხეს მეტოქის დამარცხება, ისევე როგორც "მერენგებმა", თუმცა სხვაობა ისევ და ისევ რვა ქულას შეადგენს, რაც იმაზე მიგვითითებს, რომ "ბლაუგნარა" პრაქტიკულად "ლა ლიგის" 2010/2011 წლის ჩემპიონია.

შეხვედრა დაძაბული იყო, რადგანაც პირველი გოლი მასპინძლებმა გაიტანეს (ალმერია), თუმცა შემდეგ "ბარსელონა" სრულ უპირატესობას დაეუფლა, რამაც საბოლო შედეგზე რეაგირება მოახდინა (1–3). ზემოთხსენებულ შეხვედრაში, გოლები გაიტანეს: 0:1 კორონა 50 წუთი, 1:1 მესი 53 წუთი (პენალტი), 2:1 ტიაგო 64 წუთი, 3:1 მესი 90 წუთი.

"ბლანკოსსა" და "ბლაუგნარას" შორის სხვაობა კვლავ რვა ქულაა, ამრიგად კატალონიელები უდიდეს უპირატესობას ფლობენ, რაც "მადრიდისტებისთვის" სასიხარულო ფაქტი ნამდვილად არაა.

შეგახსენებთ, რომ "ლა ლიგის" 32–ე ტურში "ელ კლასიკო" გაიმართება, რომელსაც თითოეული გულშემატკივარი მოუთმენლად ელის. შეხვედრა ადგილობრივი დროით 22:00 საათზე დაიწყება (სანტიაგო ბერნაბეუ).

ინფორმაციის წყარო: As.com