მადრიდის "რეალთან" განცდილი მარცხის შემდეგ, "ტოტენჰემის" მთავარმა მწვრთნელმა - ჰარი რედნაპმა კომენტარი გააკეთა "სამეფო კლუბზე".

"ჩვენ გუნდში არ გვყავს კრიშტიანო რონალდო, ის თამაშობს ჩვენს წინააღმდეგ. შესაბამისად ჩვენს მოწინააღმდეგე გუნდს უფრო მეტი შანსი უჩნდება. ის შეუდარებელი ფეხბურთელია.
ჩვენ ადრეც გვითამაშია ათი კაცით, მაგრამ ისეთ გუნდთან თამაში, როგორიც მადრიდის "რეალია", ეს შეუძებელია. "ბლანკოსი" ერთერთი საუკეთესო გუნდია მსოფლიოში. მათ უდიდესი პოტენციალი გააჩნიათ და ვფიქრობ, უმაღლესი მწვერვალების დაპყრობა შეუძლიათ. რა თქმა უნდა, ჩვენ ბოლომდე ვიბრძოლებთ, რათა წარმატებას მივაღწიოთ, თუმცა ასეთი შედეგის შემდეგ, "რეალის" ლიგიდან გამოთიშვა ურთულესი იქნება."