”ჩვენ ევროპის მეფეები ვართ” - აღნიშნულ ფრაზას, ”სანტიაგო ბერნაბეუზე” შეკრებილი პუბლიკა, მეორე ტაიმის მსვლელობისას სკანდირებდა.

აღნიშნული სტატიით მინდა ის სტატისტიკური მონაცემები გაგაცნოთ, რომლითაც სამეფო კლუბი დაიკვეხნის ჩემპიონთა ლიგის მიმდინარე გათამაშებაზე.დავიწყოთ იქედან, რომ ”თეთრებს” გატანილი გოლების საუკეთესო მაჩვენებელი აქვთ.მადრიდელები 23 გოლით ლიდერობენ და მეორე მყოფ ”არსენალს” ორი გოლით უსწრებენ.გაშვებული ბურთების კომპონენტში, მხოლოდ ”მანჩესტერი” გვჯობნის.”ეშმაკუნების” კარის ბადი მხოლოდ ორჯერ შეირხა, ხოლო ჩვენი კი სამჯერ.

ასევე შთამბეჭდავია ის მონაცემიც, რომლის თანახმადაც, მეტოქეები ”ბერნაბეუზე” ქულის აღება კი არა, გოლის ზეიმსაც ვერ ახერხებენ.

და ბოლოს, მოუს გუნდის აქტივში, 9 შეხვედრიდან 7 გამარჯვება და 2 ფრეა. ”ინჩასების” არ იყოს, წლეულს, მადრიდელები მართლაც ისე ასპარეზობენ, როგორც ”მეფეებს” შეეფერებათ.