ანხელ დი მარიამ, რიკარდო კარვალიომ და იკერ კასილასმა თავიანთი გუნდის თამაში განიხილეს და აღნიშნეს, რომ მათ ჯერ კიდევ 90 წუთი აშორებთ 1/2 ფინალამდე...

დი მარია:
”ბედნიერი ვარ მიღწეულით. 4 გატანილი გოლის წყალობით, ცალი ფეხი 1/2 ფინალში გადავდგით. შესანიშნავად ვითამაშეთ და ფანებიც არ იშურებდნენ მხურვალე აპლოდისმენტებს. ”სანტიაგო ბერნაბეუზე” ძალიან კარგი ატმოსფერო სუფევდა. ეს უნიკალური დღე იყო”.

კასილასი:
”გავიმარჯვეთ, ვითამაშეთ ლამაზი ფეხბურთი, გავიტანეთ 4 გოლი, არცერთი არ მიგვიღია... განა ეს არ არის იდეალური მატჩი ჩემპიონთა ლიგის 1/4 ფინალისთვის? ეს ყველაფერი კარგია, მაგრამ საჭიროა ისიც, რომ მეტოქეს მომავალ თამაშშიც ვცეთ პატივი და ბოლომდე ვიბრძოლოთ”.

კარვალიო:
”ჩვენ ასეთ ანგარიშს არ მოველოდით, მაგრამ საბედნიეროდ ყველაფერი გაგვიადვილდა. წინ კიდევ 90 წუთია, ასე, რომ არ გვაქვს მოდუნების საშუალება. დარწმუნებული ვარ, რომ მადრიდის ”რეალი” ლონდონშიც წარმატებით ითამაშებს”.


წყარო:realmadrid.com