როგორც მოგეხსენებათ, "მადრიდის რეალისა" და "ტოტენჰემის" დაპირისპირებამდე საეჭვო იყო კრიშტიანო რონალდუს, მარსელოს , დი მარიას და ბენზემას თამაში, მათ ტრავმები აწუხებდათ და ექიმების ვარაუდით დღეს მოედანზე არ უნდა გამოსულიყვნენ, მაგრამ პორტუგალიელი მწვრთნელი სულაც არ აპირებს მათ მოსმენას.

პრეს–კონფერენციაზე მოურინიომ დაადასტურა, რომ კრიშტიანო რონალდუ, მარსელო და დი მარია ძირითადში იქნებიან. გამონაკლისია ბენზემა, რომელიც დღეს ვერ დაეხმარება "ბლანკოსებს", მის ფუნქციებს თავიდან ადებაიორი შეასრულებს, შეიძლება შემდგომში , თამაშის სცენარიდან გამომდინარე მოედანზე გონსალო იგუაინიც ვიხილოთ.

სავარაუდოდ "თეთრები" ამ შემადგენლობით დაიწყენებ თამაშს: კასილასი–რამოსი, პეპე, კარვალიო, მარსელო-ხაბი ალონსო, ხედირა, იოზილი, დი მარია–კრიშტიანო და ადებაიორი.

წყარო: Marca