რაფაელ ბენიტესმა, რომელიც "ლივეპრულს" წვრთნიდა, როცა ამ უკანასკნელმა "მადრიდის რეალისგან" არაფერი არ დატოვა 1/8 ფინალური შეხვედრების ორმატჩიან დაპირისპირებაში, "სპურსის" მესვეურები გააფრთხილა, რომ შეიძლება მათ თამაში თავიდანვე წააგონ.

"მეტოქეებმა ("სანტიაგო ბერნაბეუზე") შეიძლება თამაში მის დაწყებამდეც წააგონ, "მადრიდის რეალზე" გადაჭარბებული წარმოდგენის გამო"–განუცხადა რაფაელ ბეიტესმა Daily Mai–ს.

ბენიტესმა, რომელიც "ლივერპულს" ექვსი წლის მანძილზე წვრთნიდა, მანამ სანამ 2010 წლის ივნისის თვეში კარისკენ არ მიუთითეს, ჩემპიონთა ლიგის გათამაშებაში 2009 წელს "მადრიდის რეალი" გამანადგურებელი ანგარიშით 5:0 დაამარცხა ორი მატჩის ჯამში (0:1 "სანტიაგო ბერნაბეუზე" და 4:0 "ენფილ როუდზე")

ამ გამოცდილებიდან გამომდინარე "ლივერპულის" და "ინტერის" ყოფილმა მწვრთნელმა "ტოტენჰემის" მესვეურებს ურჩია, რომ მადრიდის სახალხო იმიჯის არ შეშინებოდათ, ვინაიდან დასაკარგი არაფერი აქვთ. " "ტოტენჰემს" ყავს საკმაოდ გამოცდილი და კვალიფიციური ფეხბურთელები, რომლებსაც შეუძლიათ, რომ ამ თამაშს ძალზედ მომზადებულნი და მობილიზირებულნი შეხვდნენ. ადგილობრივი გულშემატკივრის მიერ შექმნილი ატმოსფერო მათთვის გასაკვირი სულაც არ უნდა იყოს"–განაცხადა მან.

ფეხბურთელებისთვის უმჯობესი იქნება, თუ ამ თამაშზე წინასწარ არ იფიქრებენ, ვინაიდან შეიძლება მათ თამაში მის დაწყებამდევე წააგონ. "ასეთი ტიპის თამაშებისთვის ტაქტიკური მომზადება რა თქმა უნდა აუცილებელია, მაგრამ, გარდა ამისა, მორალურადაც უნდა იყო ძლიერი."–განაცხადა მწვრთნელმა და "სპურსს" თავისი თამაშის ჩვენება ურჩია.

"მათ ყავთ გარეტ ბეილი, რაფაელ ვან დერ ვაარტი და პიტერ კრაუჩი, რომელიც მეორე სართულზე საკმაოდ სახიფათოა."–აღნიშნა მან რედნაპის ფეხბურთელების ძლიერ მხარეზე საუბრისას.

წყარო: As.com