მადრიდის "რეალის" თავკაცმა ჟოზე მოურინიომ ისაუბრა იმაზე, რომ მას შურს გვარდიოლასი, რატომ გამარჯვება ფეხბურთში მოტივაციის საწინდარია და ვისი გაწვრთნა სურს მას მომავალში.

ჟოზე, უახლოეს მომავალში ზედიზედ ორჯერ შეხვდებით "ბარსელონას". რა მოხდება, თუ თქვენ კატალონიელებთან სამივე ტურნირზე დამარცხებით ამ სეზონში?

არაფერი შეიცვლებოდა, რადგან ჩვენ ახლა კარგად ვმუშაობთ. რა თქმა უნდა უსამართლო იქნებოდა აპრილამდე მისვლა და წაგება, მაგრამ სხვა მხრივ ეს ლოგიკური იქნებოდა რადგან უსერიოზულესი კონკურენციაა. სულ ოთხ გუნდს შეუძლია ამ სეზონში სამივე ტურნირის მოგება : "მანჩესტერს", "ინტერს","ბარსელონასა" და ჩვენ. ეს იმას ნიშნავს, რომ ჩვენ უკვე მივაღწიეთ სერიოზულ შედეგს.

პირველ სეზონში "რეალმა" "ბარსელონასთან" 0 : 5 წააგო, ეს თქვენთვის ყველაზე ცუდი მარცხია?

შარშან "ინტერით" "ბარსას" ნახევარფინალში გავცდი და ეს ჩემს კარიერაში ერთ-ერთი საუკეთესო მომენტი იყო. მე საერთოდ მოგება მირჩევნია მარცხს. ვთვლი, რომ მოგებები უფრო საჭიროა მოტივაციისთვის, მარცხი კი უბრალოდ ფეხბურთის განუყრელი ნაწილია.

რას ფიქრობთ ლეო მესის შესაძლო შეძენაზე?

ეს შეუძლებელი მისიაა. ამ ფეხბურთელის შეძენა შეუძლებელია. მაგრამ ამასთან ერთად ნუ დაუჯერებთ მწვრთნელებს,რომლებიც ამბობენ რომ მათ მესი არ გამოადგება. თუ ვინმე ასეთ რაიმეს იტყვის, ეს იმას ნიშნავს რომ ის გიჟია

ამბობენ, რომ თქვენ ხოსეპ გვარდიოლასი გშურთ პრესის მხარდაჭერის თვალსაზრისით..

მას მთლიანად უჭერენ მხარს კატალონიაში, ყველა ადგილობრივი მას მთასავით უდგება გვერდში. მეც არ ვიტყოდი ასეთ მხარდაჭერაზე მადრიდული პრესისგან.

მიუხედავად ამისა თქვენ უდიდეს მხარდაჭერას გულშემატკივრებისგან გრძნობთ..

დიახ, მე უღრმესად მადლობელი ვარ მადრიდული პუბლიკის. მაგრამ მე არც ისე მომწონს, როდესაც ჩემს სახელს მღერიან, უკეთესია ვინმე ფეხბურთელის სახელი იმღერონ. იმათთვის, ვინც მოედანზე გამოდის, ბევრად მნიშვნელოვანია, როდესაც მუდამ გრძნობენ ემოციურ მხარდაჭერას, მათ ეს ჭირდებათ თავიანთი საეხბურთო ცოდნის გამოვლენისათვის.

წინა კვირას თქვენი გუნდის რამოდენიმე ფეხბურთელმა თქვა, რომ სურთ თქვენთან ერთად მუშაობის გაგრძელება. ეს ნიშნავს, რომ თქვენ ადვილად იპოვეთ კონტაქტი მათთან?

მე ძალიან ვაფასებ ურთიერთობას ჩემს ფეხბურთელებთან ერთად, ისინი-ჩემი ოჯახია.მე ვცდილობ მთ დაცვას, ამისთვისაც ვარ საჭირო. მათ შეუძლიათ მოედანზე სასწაულების კეთება. მაგრამ ჩემი მიზანი იმაშ შედგება, რომ შევქმნა გუნდი, კოლექტიური ფეხბურთი-აი რის მიღწევა მინდა ამ ფეხბურთელებისგან.მათ ჩემი იმედი მუდამ უნდა ჰქონდეთ, მე მზად ვარ დავიცვა ისინი ნებისმიერ სიტუაციაში.

რამდენად დიდ ხანს აპირებთ "რეალში" დარჩენას?

რაც შეიძლება მეტ ხანს, რადგან ეს იმის მაუწყებელი იქნება, რომ კლუბში ჩემი მუშაობით კმაყოფილნი არიან. ნებისმიერ შემთხვევაში მე მსურს ავღმოჩნდე პრემიერ ლიგაში როდესმე, რადგან იქ დაუსრულებელი საქმეები დამრჩა. ასევე მსურს გავწვრთნა პორტუგალიის ნაკრები, ამაზე არაერთხელ მითქვამს, მაგრამ შესაძლოა ეს 20 წელიწადში მოხდება.

თქვენ ხშირად საუბრობთ მსაჯების თემებზე, აკრიტიკებთ მას, რას ფიქრობს ესპანეთის არბიტრაჯზე სინამდვილეში?

მე ვენდობი მათ და მათ სიმართლეში ეჭვი არ მეპარება, მაგრამ ისინიც ადამიანები არიან და ხშირად ცდებიან. მათ შეცდომებს ზოგჯერ გადამწყვეტი მნიშვნელოვა აქვს, მაგრამ ისინი მოულოდნელად ხდება. თითქოსდა მიდის თანაბარი თამაში, შემდეგ კი აჩვენებენ ბარათს ერთი გუნდის ფეხბურთელს, იგივე სიტუაციაში კი მეტოქე გუნდის ფეხბურთელს არ სჯიან. ასეთივე სიტუაციაა 11-მეტრიანთან : ორ ერთნაირ ეპიზოდში-სხვადასხვა გადაწყვეტილება. მაგრამ, გავიმეორებ, ეს ყველაფერი არ ხდება რომელიმე გუნდის დახმარების სურვილის მიზნით. ამიტომაც ყოველი მატჩის შემდგომ მე მადლობას ვუხდი მათ მათი მუშაობისათვის.

რას ფიქრობთ ფეხბურთში დოპინგის პრობლემაზე, არსებობს ის?

ჩემთვის ისეთი პრობლემა არ არსებობს, ის ფეხბურთში არაა. თუ რომელიმე ფეხბურთელი გამოიჭირეთ დოპინგზე, ეს გამონაკლისია. ასეთი შემთხვევები ძალზე მცირეა.