მადრიდის რეალმა გასვლით მატჩში შესანინშავად ითამაშა ესპანიოლთან და დამაჯერებლად გაიმარჯვა ანგარიშით 0-3, გთავაზობთ ამ მატჩში მონაწილე ფეხბურთელთა დახასიათებებს...

იკერ კასილასი

იკერს ბევრი საქმე არ ჰქონია ამ მატჩში მაგრამ რამდენჯერმე მართლაც იყოჩაღა, იყო მომენტი, როდესაც მან პატარა შეცდომა დაუშვა მაგრამ საბედნიეროდ ალვარო არბელოამ მიასწრო ბურთს და ხელი შეუშალა კატალონიელ მოწინაამღდეგეს. ესპანელი გოლკიპერის თამაში დღეს მაინც მოსაწონი იყო.

ალვარო არბელოა

არბელოას დღეს მართლაც ბევრი საქმე ჰქონდა, მოწინაამღდეგეები უმეტესად სწორედ ალვაროს ფლანგიდან ცდილობდნენ შეტევების განხორციელებას, ესპანელმა ფეხბურთელმა კარგი შთაბეჭდილება დატოვა და კიდევ ერთხელ დაამტკიცა, რომ სერხიო რამოსს დიდი კონკურენტი ჰყავს მისი სახით.

რაულ ალბიოლი

ალბიოლმა დღეს გაცილებით უფრო დამაჯერებლად იასპარეზა ვიდრე დეპორტივოსთან, რაული გაცილებით უფრო აქტიური იყო, იგებდა საჰაერო ორთაბრძოლებს და მეტოქე გუნდის ფორვარდებს ”არ ახარებდა” მისი თამაშით საბოლოო ჯამში ყველა კმაყოფილი დარჩა.

კრისტოფ მეტცელდერი

გერმანელმა მცველმა დღევანდელ მატჩში 100 % იანი საგოლე მომენტის გამოყენება ვერ შეძლო მატჩის დაწყებიდან რამდენიმე წუთის შემდეგ, მაგრამ იგი დაცვაში სტაბილურად გამოიყურებოდა და ალბიოლთან ერთად შესანიშნავ დუეტს ქმნიდა, რომელსაც ვერცერთი ესპანიოლის ფეხბურთელი ვერ გაცდა, მისმა თამაშმაც დღევანდელ შეხვედრაში მოწონება დაიმსახურა.

მარსელო

ბრაზილიელი მარცხენა მცველი ერთ-ერთი ყველაზე აქტიური ფიგურა გახლდათ რეალის შემადგენლობაში, იგი მთელ ფლანგზე დარბოდა, იყო დაცვაშიც, ნახევარდაცვაშიც და თავდასხმაშიც, ახალგაზრდამ მისი საქმე შესანიშნავად შეასრულა.

გუტი

გუტის ძირითად შემადგელობაში გამოჩენას არავინ ელოდა მაგრამ პელეგრინის გადაწყვეტილებით მან სასტარტოში ითამაშა, ესპანელმა ფეხბურთელმა მანეულის გადაწყვეტილება გაამართლა, იგი მთელი მატჩის მანძილზე ძალიან აქტიურობდა, გაიტანა გოლი, გააკეთა საგოლე გადაცემა და შესანიშნავად აკონტროლებდა ბურთს ცენტრში.

ხაბი ალონსო

დღევანდელი მატჩი ალონსოსთვისაც კარგი იყო, ხაბი გაცილებით ხშირად იღებდა ბურთს და ანაწილებდა სხვადასხვა ფლანგზე, მან ამ მატჩში შეტევების ჩაშლაზეც იმუშავა და ცუდი შთაბეჭდილება ნამვილად არ დაუტოვებია, იგი ნელ-ნელა ეწყობა ,,ბლანკოსის” სათამაშო სტილს.

გრანერო

ესტებანი მატჩის ერთ-ერთი საუკეთესო ფეხბურთელი გახლდათ, მთელი მატჩის მანძილზე იგი არ გაჩერებულა, ესპანელი ფეხბურთელი მუდამ მოძრაობდა და იბრძოდა ბურთის მოსაპოვებლად, მან გოლის გატანაც შეძლო, მისი თამაში დღევანდელ მატჩში უმაღლეს შეფასებას იმსახურებდა.

კაკა

რიკარდოსთვის ეს მატჩი საუკეთესო იყო რეალის შემადგენლობაში, ბრაზილიელმა ფეხბურთელმა შესანიშნავად ითამაშა, გააკეთა 2 საგოლე გადაცემა, იყო ყველაზე აქტიური სამეფო კლუბის შემადგენლობაში, იგი ძალიან ხშირად ეცემოდა მინდორზე, რადგან ესპანიოლის ფეხბურთელები სხვაგვარად ვერ აჩერებდნენ ბრაზილიელს, კაკამ დღეს შესანიშნავად წარმოაჩინა საკუთარი თავი.

ბენზემა

ფრანგი ფეხბურთელი დღეს ძალიან ინერტული გახლდათ, იგი სრულიად ამოვარდნილი იყო სათამაშო ტემპიდან, მან რამდენჯერმე სცადა მეტოქის კარის აღება მაგრამ უშედეგოდ. მეტწილად ბურთი კარს დიდი მანძილით ცდებოდა, ეს არ იყო ბენზემას საუკეთესო მატჩი ,,ბლანკოსის” შემადგენლობაში.

იგუაინი

როგორც გუტის, ასევე იგუაინის გამოჩენა სასტარტო შემადგენლობაში მოულოდნელი იყო, პიპიტამ დღევანდელ მატჩში ნორმალურ დონეზე ითამაშა, მას არ ჰქონია საგოლე მომენტი, თუ არ ჩავთვლით ერთადერთ მომენტს, როდესაც არგენტინელი თამაშგარე მდგომარეობაში იმყოფებოდა.

რაული

კაპიტანი მოედანზე მეორე ტაიმში შემოვიდა, იგი რათქმა უნდა სტაბილური იყო მაგრამ ვერ შეძლო ერთადერთი მომენტის გამოყენება, რომელიც მას შეუქმნეს, მისი დარტყმული პატარა მანძილით აცდა კარგს, მიუხედავად გოლის არ გატანისა რაულმა მაინც დაიმსახურა მოწონება.

რონალდო

როგორც რაული, ასევე პორტუგალიელი რონალდოც მეორე ტაიმში გამოჩნდა მოედანზე, მისი სასტარტოში არ გამოჩენის მიზეზი იყო დაღლილობა, მან პორტუგალიის ეროვნულ ნაკრებში 2 ურთულესი მატჩი ჩაატარა და პელეგრინის გადაწყვეტილებით დღევანდელი მატჩი სათადარიგოთა სკამზე დაიწყო, ფეხბურთელმა სულ რაღაც 20-25 წუთი ითამაშა და თავი ვერაფრით დაგვამახსოვრა მაგრამ გუტის შესანიშნავი პასით მან შეძლო გოლის გატანა, კრიშტიანოს უკეთ თამაშიც შეუძლია, ეს არ იყო მისი საუკეთესო თამაში ,,თეთრების” შემადგენლობაში.

ლასანა დიარა

ლასანა დიარაც მეორე ტაიმში გამოჩნდა მოედანზე, იგიც გადაღლილობის გამო არ იყო სასტარტო შემადგენლობაში, როგორც ყოველთვის იგი მოედნის ცენტრში შესანიშნავად აკონტროლებდა ბურთს და ხელს უშლიდა კატალონიელებს შეტევების განხორციელებაში, მან მოწონება დაიმსახურა.