კრისტიანო რონალდო "ესპანიოლთან" მატჩს სათადარიგოთა სკამზე დაიწყებს.

ესპანური გამოცემა As გამოვიდა სათაურით, რომ კრისტიანო რონალდო "ესპანიოლთან" მატჩს დაიწყებს სათადარიგოთა სკამიდან. ჟურნალისტები დარწმუნებულნი არიან, რომ პელეგრინი პორტუგალიელს დასვენების საშუალებას მისცემს. კრისტიანომ ორი სანაკრებო მატჩი ჩაატარა და გადაიღალა. პორტუგალიის ნაკრები ჯერ კიდევ არ გასულა მსოფლიო ჩემპიონატზე. რონალდოსგან კი ბევრს მოელოდნენ ამ დღეებში.

პორტუგალიელის ადგილს მოედანზე დაიკავებს კლუბის აღზრდილი ესტებან გრანერო. As-ის თქმით სათადარიგოთა სკამზე შეიძლება ქარიმ ბენზემაც დასხდეს. გონსალო იგუაინმა, რომელიც არ გამოიძახეს არგენტინის ნაკრებში, შესანიშნავად წარმოაჩინა თავი ვარჯიშებზე და პელეგრინის მოწონება დაიმსახურა.


ინფორმაციის წყარო: Goal.com