თაგუნა ვოლფი საქართველოს გამარჯვებას უწინასწარმეტყველებს...
უკრაინული "hotsport"-ის რედაქციაში რვაფეხა პაულის მემკვიდრე თაგვი, სახელად ვოლფი ჰყავთ, რომელმაც სხვა მატჩების გარდა, საქართველო-ხორვატიის მატჩის შედეგიც იწინასწარმეტყველა. თაგვმა სამ ალამს შორის, რომელიც ერთი საქართველოს დროშა იყო , მეორე - ხორვატიის, ხოლო მესამეს X (ფრე) ეწერა, საქართველოს ალამი აირჩია და მასთან მივიდა.
თაგვმა დღეს კიდევ 8 თამაშის პროგნოზი გააკეთა და უკრაინული საიტის მონაცემებით სენსაციური მხოლოდ საქართველო-ხორვატიის და უკრაინა-მაკედონიის (ფრე) შედეგი იყო.

25 მარტი
ავსტრია-ბელგია 1, ესპანეთი-ჩეხეთი 1.
26 მარტი
ირლანდია- მაკედონია X, საქართველო-ხორვატია 1, ისრაელი-ლატვია X, ბულგარეთი-შვეიცარია 2, ნორვეგია-დანია 2.
29 მარტი
ჩრდილოეთ ირლანდია-სლოვენია 2, თურქეთი-ავსტრია 1,უკრაინა-იტალია X.

რა თქმა უნდა, "წინასწარმეტყველი" თაგუნას არჩევანი საქართველოს ნაკრების ყველა გულშემატკივრისთვის გასახარი და მისაღებია, თუმცა, ერთიცაა - ვოლფი რვაფეხა პაულისგან განსხვავებით, დიდი სიზუსტით არ გამოირჩევა. თავისი ნიჭი მან ჩემპიონთა ლიგის მეოთხედფინალების კენჭისყრის წინაც გამოავლინა, თუმცა შეცდა და "შახტარი" "ინტერთან" დააკავშირა.