"ვგრძნობ რომ ყველას უხარია ის საქმე, რომელსაც ჩვენ ვაკეთებთ"

ჟოზე მაურინიო თავის თანამემამულე ლუის კამპოსთან ერთად ესწრებოდა "საფეხბურთო წვრთნა ბავშვებისთვის" DVD-ის პრეზენტაციას. მადრიდის "რეალის" მწვრთნელმა, პრეზენტაციის შემდეგ მედიასთან ისაუბრა.

"ამ მომენტისათვის არ ვვარჯიშობთ ბევრს, რადგან მხოლოდ ხუთი მოთამაშე მყავს. ლიგის შეფერხება საჭიროზე უფრო მეტია რადგან ყოველ კვირას მიყვარს თამაში. როდესაც არ ვთამაშობ რაღაცის ნაკლებობას განვიცდი."

"2/3 აპრილის შეფერხების საკითხი არის ის, რაც ლიგის ფედერაციამ და კლუბმა უნდა გაარკვიონ. ჩვენ პროფესიონალები გავაკეთებთ იმას რაც საჭიროა გაკეთდეს 38 თამაშის ჩასატარებლად შეფერხებისა თუ მის გარეშე. ყოველგვარი აღტკინების გარეშე ველოდებით საბოლოო გადაწყვეტილებას."



"ვიცოდით, რომ კრისტიანო რონალდოს ჩასვლა პორტუგალიაში გაკეთდა იმიტომ, რომ ეროვნულმა მწვრთნელმა და სამედიცინო ჯგუფმა შეამოწმონ ის ტესტები, რომლებიც მან მადრიდში გაიარა და რომლებიც სავსებით ნათელია. ვიმედოვნებ მის გამოჯანმრთელებას ტოტენჰემის "ჰოტსპურის" მატჩისთვის. მისი მენტალიტეტიდან გამომდინარე თუ ვისმჯელებთ მაშინ გვჯერა მისი დროზე გამოჯანმრთელების, მაგრამ ეს ძნელი იქნება. მისი დაბრუნება, როგორც ეს იყო "ლიონთან", ყოველთვის მისაღები იქნება."



"გონზალო იგუაინმა დღეს პირველად ჩაატარა პრაქტიკული თამაში. მოთამაშეები "კასტილიადანაც" გამოვიყენე რათა თერთმეტი თერთმეტზე ყოფილიყო მატჩი. მან 60 წუთი ითამაშა, რადგან ერთი ტაიმი 30 წუთის განმავლობაში მიმდინარეობდა. ის არ არის ჯერ სათანადოდ, მაგრამ ის დადის. არ ვიცი იქნება თუ არა იგი მზად "სპორტინგის" წინააღმდეგ სათამაშოდ, მაგრამ ადრე თუ გვიან ის მზად იქნება. მივესალმებით მის დაბრუნებას. მისი მზადყოფნა საჭიროა, რადგანაც სეზონის დამთავრებამდე ბევრი თამაშია ჩასატარებელი."



"არასდროს დამიმალია ჩემი სურვილი ინგლისში დაბრუნებისა, მაგრამ ჩემს კონტრაქტში ჯერ კიდევ სამი წელი დამრჩა და ვაპირებ ამ დროის განმავლობაში ბევრ მუშაობას რათა გულშემატკივრები და მოთამაშეები გავაბედნიერო. სამი წლის შემდეგ შეიძლება ახალი კონტრაქტიც კი გავაფორმო. ვგრძნობ, რომ ყველა ბედნიერია ჩვენი მუშაობით. მადრიდის "რეალი" ჩემი ახლო მომავალია."

წყარო: realmadrid.com