ამ თემაზე საუბრები უკვე დიდი ხანია მიმდინარეობს. რონალდოს ყოფილი ნომრები “რეალში” უკვე დაკავებულია. 7 ნომერი “სამეფო კლუბში” რაულია და ამიტომ ეს ვარიანტი თავიდანვე გამოირიცხა. 17 ნომრით კი, რომელიც რონალდოს ნომერი იყო პორტუგალიის ნაკრებსა და “სპორტინგში”, რუუდ ვან ნისტელროის კუთვნილებაშია.

ხავიერ სავიოლას წასვლის შემდეგ, ჯერჯერობით ვაკანტურია 9 ნომერი, ამიტომ ესპანელი ჟურნლისტები ვარაუდობენ, რომ კრისტიანო სწორედ ალფრედო დი სტეფანოს ყოფილ ნომერს აიღებს. საინტერესოა, რომ “მეორე” რონალდო, ბრაზილიელი “ფენომენი”, “სამეფო კლუბში” 3 სეზონის განმავლობაში ასპარეზობდა 9 ნომრით.

რონალდომ უკვე დაარეგისტრირა სავაჭრო ნიშანი “ CR9” მადრიდში, რაც ამ ვარაუდს კიდევ უფრო ამართლებს.

შეგახსენებთ, რომ პორტუგალიელის პრეზენტაცია ხვალ გაიმართება.

ინფორმაციის წყარო: As.Com