თამაშობს რა მესამე სეზონს მადრიდის რეალის რიგებში, ჰოლანდიელი დრენტე ესაუბრა Realmadrid.com–ის ჟურნალისტს, სადაც განიხილა კლუბის მოტივაცია ახალ სეზონში და ამასთანავე შეეხო პირად ამბიციებსაც.

როგორ მოემზადეთ ახალი სეზონისთვის?

ახალი სეზონი დაიწყო ბევრი ახალი ფეხბურთელების მოყვანით და ბევრი სიახლით. ეს ჩემი აქ ყოფნის მესამე წელია და იმედი მაქვს, რომ კიდევ დავრჩები. მინდა, რომ წარმატებას სწორედ რეალის რიგებში მივაღწიო. წინასასეზონო შეხვედრებში თავს კარგად ვგრძნობდი, ეხლა კი დროა ლა ლიგაზე, ჩემპიონთა ლიგაზე და კოპა დელ რეიზე ვიფიქროთ. ჩვენ ბევრი უნდა ვიმუშაოთ სამივე მათგანის მოსაგებად და ამასთანავე ვიტყოდი, რომ ამ შემადგენლობით და ამ კლუბთან ერთად ეს სავსებით რეალურია.



არის თუ არა კლუბი ისეთივე მოტივირებული, როგორც გულშემატკივრები არიან?

ეს კლუბი ისეთივეა, როგორც ყოველთვის. ბევრი ახალი ფეხბურთელი გვყავს , მაგრამ მადრიდსი რეალი მაინც მადრიდის რეალია. ჩვენ ერთი ოჯახი ვართ. რა თქმა უნდა, გულსემატკივრებს სურთ იხილონ კაკასა და რონალდუსნაირი ფეხბურთელების თამაში , მაგრამ არ უნდა დაგვავიწყდეს, რომ უპირველეს ყოვლისა ჩვენ ერთი გუნდი ვართ და მარტო მათ არ შეუძლიათ ყველაფრის გადაწყვეტა. მოგებისთვის მთავარია ვითამაშოთ , როგორც ერთი მთლიანობა.



ამ წელს ბევრი ტურნირი ტარდება, ჩემპიონთა ლიგიდან დაწყებული, ლა ლიგით გაგრძელებული და მსოფლიო ჩემპიონატის საკვალიფიკაციო ეტაპებით დასრულებული. ასე რომ ვფიქრობ ყველას ექნება საკმარისი სათამაშო დრო.

სწორედ ამიტომ ყავს მწვრთნელს საკუთარ რიგებში 25 ფეხბურთელი. ჩვენ კონცენტრაცია უნდა მოვახდინოთ მომავალ დაძაბულ სეზონზე...

რა ტიტულებს უნდა ელოდნენ გულშემატკივრები ამ წელს?

მე რომ მადრიდის რეალის რიგითი გულშემატკივარი ვიყო, მენდომებოდა, რომ კლუბს ყველა ის ტიტული მოეგო, სადაც ასპარეზობა მოუწევდა. მე საერთოდ არ მიყვარს წაგება, მაშინაც კი, როცა ვვარჯიშობ, ან PlayStation–ს ვეთამაშები ჩემს ძმას. მე ვთამაშობ მადრიდის რეალში და ვარ ახალგაზრდა, ამიტომ ყოველთვის მოგება მინდოდა და მინდა კიდეც.



როგორ გაიხსენებდით პელეგრინთან პირველ შეხვედრას?

ძალიან კარგად. ის კარგი მწვრთნელია. მან შესანიშნავი სამუშაო გასწია ვილიარეალში და ბევრის პატივისცემა დაიმსახურა. მე ბევრი რამის სწავლა შემიძლია მისგან.

პელეგრინმა ბევრჯერ გაიმეორა, რომ ყველა ფეხბურთელის იმედი აქვს, ვინაიდან წინ ხანგრძლივი და დაძაბული სეზონი გველის.

ეს ისაა, რაც ყველა მწვრთნელმა უნდა გააკეთოს, ვინაიდან მარტო ორი–სამი ფეხბურთელის დახმარებით ვერავინ შეძლებს გამარჯვებას.

რა რეაქცია ქონდათ ფეხბურთელებს დეპორტივოს დამარცხების შემდეგ? იყო თუ არა ეს მნიშვნელოვანი სტიმული?

მოიგო სეზონის გახსნითი მატჩი, ძალიან მნიშვნელოვანია, ვინაიდან ისეთი შეგრძნება გიჩნდება, თითქოს მარჯვენა ფეხზე ადექი. ყველა ზლიერმა გუნდმა მოიგო პირველი შეხვედრა და ჩვენც ანალოგიური რამე გავაკეთეთ. ეს დასაწყისისთვის საუკეთესო რამ იყო.

გულშემატკივრები ითხოვენ მარშს სიბელესზე ამ სეზონის დასასრულს, თქვენ რას ითხოვთ მათგან?

ამაზე პასუხის გაცემა ძალიან ადვილია, ჩვენც გვინდა, რომ იმ მარშზე მივიღოთ მონაწილეობა მათთან ერთად. როცა პირველად მოვხვდი ამ სანახაობაზე , ეს შესანიშნავი გრძნობა იყო და მინდა იგივე განმეორდეს. ჩვენ გვინდა, რომ მათთვის ყველაფერი მოვიგოთ.

შაბათს თქვენ ეთამაშებით ესპანიოლს, რომელიც პირველ მატჩს გამართავს საკუთარ ახალ სტადიონზე და რომელსაც სურს, რომ გულსემატკივრები პირველი წაგების შემდეგ, ახალ მოედანზე პირველი სამი ქულით გაახაროს.

ისინი დანი ხორკესა და მისი ოჯახის საპატივსაცემლოდაც ითამაშებენ. მათ სურთ, რომ მოიგონ ყველა მატჩი და ამით დაასაჩუქრონ საკუთარი კაპიტანი. კარგი საყურებელი თამაში გამოვა.

მოხვდებით თუ არა სასტარტო შემადგენლობაში?

არ ვიცი, ვიმედოვნებ.



ჯერ კიდევ ძალიან ადრეა, მაგრამ რას ფიქრობ მადრიდის რეალის ახალ სტრატეგიაზე?

მე ყოველთვის მომწონდა აქ ყოფნა. აქ თავს ძალიან კარგად ვგრძნობ და რაც მთავარია, ვსწავლობ მსოფლიოში საუკეთესო კლუბისგან. შესანიშნავი ქალაქია და თავს კომფორტულად ვგრძნობ. ეს არასდროს დამავიწყდება. ეს იქნება შესანიშნავი წლები.

რა არის შენი ყველაზე დიდი ოცნება?

ასეთი ბევრია. მინდა ბერნაბეუზე ჩემპიონთა ლიგის თასი ავწიო. გოლის გატანა? რატომაც არა. ვის არ მოუნდება ჩემპიონთა ლიგის ფინალში სანტიაგო ბერნაბეუზე გოლის გატანა? ეს უდიდესი ოცნებაა.

წყარო: realmadrid.com