"ხეტაფეს" ნახევარმცველი დანიელ პარეხო თვლის, რომ მათ შეუძლიათ "ბარსელონას" დამარცხება. შეგახსენებთ, რომ პარეხო "ხეტაფეში" მადრიდის "რეალიდან" გადავიდა.

"ჩვენ გველის მნიშვნელოვანი შეხვედრა. რთული მატჩი იქნება, მაგრამ ჩვენ ვთამაშობთ საკუთარი მაყურებლის წინაშე. მოედანზე სათამაშოდ გადის 11 ფეხბურთელი ორივე გუნდიდან და თანაბარი შანსები გვექნება კატალონიელებთან".

"რა თქმა უნდა, "ბარსელონა" და "რეალი" საუკეთესო კლუბები არიან მსოფლიოში. ამასთან ერთად კატალონიელებმა ყველა ტიტულის მოგება შეძლეს და უფრო ამაყები არიან, მაგრამ "ხეტაფეს" შეუძლია გვარდიოლას გუნდის დამარცხება. ჩვენ საერთოდ შეგვიძლია ნებისმიერ გუნდს მოვუგოთ"–განაცხადა დანიელ პარეხომ.