ბენზემამ და ოზილმა თეთრებს დერბიში მეოთხე გამარჯვება მოუტანეს ამ სეზონში; კასილიასმა დაამტკიცა, თუ რატომ არის ის მსოფლიოს საუკეთესო მეკარე

არ ჰქონდა მნიშვნელობა იმას, რომ მადრიდის "რეალს" მხოლოდ სამი დღე ჰქონდა მოსამზადებლად დერბისთვის, როდესაც "ატლეტიკოს" ამისათვის ჰქონდა მთელი კვირა. დერბის პრაქტიკულად ყოველთვის მადრიდის "რეალი" იგებს. თეთრებმა გოლი ადრევე გაიტანეს და კასილიასი იძულებული იყო მთელი თავისი ძალები ჩაერთო ეფექტურ წარმოდგენაში. არაფერი შეცვლილა.

მადრიდის "რეალმა" გამოიყენა დაცვითი ტაქტიკა ცენტრში და ანხორციელებდა სწრაფ კონტრშეტევებს კრისტიანო რონალდოს, ოზილისა და ბენზემას წყალობით. გუნდს გოლის გატანის ორი შანსი ჰქონდა გამხსნელი გოლის გატანამდე, რომელიც მე-11 წუთზე გავიდა: ბენზემა აკონტროლებდა ბურთს, შევიდა საჯარიმოში და სძლია დე გეას, რომელსაც ბურთი თავს ზემოთ გადაუგდო. "ატლეტიკომ" ელვისებურად უპასუხა და კასილიასს მოუწია აგუეროს და რეიესის დარტყმული ბურთების აღება, ისევე როგორც სხვების. ოზილმა გაიტანა მეორე გოლი 33-ე წუთზე, რომლის უცნაურად დარტყმულმა ბურთმა დე გეას შეცდომის დაშვება აიძულა.





პირველი ნახევრის შემდეგ "ატლეტიკო" აქტიურად ცდილობდა თამაშის შემოტრიალებას. ფორლანმა იკერ კასილიასი ისევ გამოსცადა 47-ე წუთზე და მეკარემ სენსაციური სეივი განახორციელა. მადრიდის "რეალს" ისევ უნდოდა შეტევების გაგრძელება და 65-ე წუთზე კრისტიანო ახლოს იყო გოლის გატანასთან, თუმცა მისმა თაურმა კარებს ზემოდან გადაუფრინა. ოზილი გუნდის ყოველ შეტევას ანხორციელებდა. მაურინიომ გადაწყვიტა ადებაიორის შემოყვანა ბენზემას ნაცვლად, და ორი წუთის შემდეგ, დი მარია შემოვიდა რონალდოს მაგივრად.



მატჩის ბოლო 15 წუთში მადრიდის "რეალს" დაქანცულობა დაეტყო ჩემპიონთა ლიგაზე ჩატარებული გმირობებისგან. დაცვის გასაძლიერებლად მაურინიომ არბელოა შემოიყვანა ლასის მაგივრად (81') და, როდესაც უკვე ყველას ყველაფერი დამთავრებული ეგონა, აგუერომ კასილიასს საჯარიმოში სძლია, რამაც დერბის დაძაბულობა შეჰმატა. მარიო სუარესი ახლოს იყო გოლის გატანასთან დამატებით წუთებში, მაგრამ მისი მსუბუქად დარტყმული კასილიასმა აიღო.



წყარო: realmadrid.com