მადრიდის "რეალის" ფრანგი თავდამსმელის,ქარიმ ბენზემას ანგარიშზე უკვე 20 გატანილი გოლია,ყველა ტურნირის მასშტაბით.შესაძლოა ეს შედეგი დღეს "ატლეტიკოსთან" შეხვედრისას გაუმჯობესდეს.

ბენზემა დარწმუნებულია, რომ "ბლანკოსი" არ აპირებს დანებებას და ლა ლიგის ბოლო ტურამდე იბრძოლებს ჩემპიონობისათვის.

"მე ბედნიერი ვარ მადრიდში, ჩემი თანაგუნდელების საგოლე გადაცემების წყალობით, გოლების გატანის შანსი მეძლევა და ხშირად ამ გოლებს გადამწყვეტი ქულები მოაქვთ. ამჟამად ფიზიკურად და მორალურად ძალიან კარგ ფორმაში ვარ და მზად ვარ მივაღწიო წარმატებებს "რეალთან" ერთად"–განაცხადა ბენზემამ.

"ძალიან მინდა მადრიდულ დერბიში მონაწილეობის მიღება, ჩვენ ყველაფრისთვის მზად უნდა ვიყოთ, რადგან ფორლანისა და აგუეროს დუეტი ძალიან სახიფათო შეიძლება აღმოჩნდეს ჩვენთვის. ეს იქნება ძალიან მნიშვნელოვანი მატჩი, რომელშიც ჩვენ მხოლოდ და მხოლოდ სამი ქულისათვის ვიბრძოლებთ".


წყარო:sport.es