მესუთ ოზილი დარწმუნებულია, რომ მადრიდის "რეალს" შეუძლია "ბარსელონას" დამარცხება.

"შემიძლია ვთქვა, რომ "ბარსელონა" უკვე რამდენიმე წელია ერთი და იმავე შემადგენლობით თამაშობს. ჩვენ კი, ახალგაზრდა გუნდი ვართ და უდიდესი პოტენციალი გაგვაჩნია. ყოველ თამაშში, ვგრძნობ, როგორ ვძლიერდებით. დარწმუნებული ვარ, შეგვიძლია, ძალიან დიდი წარმატების მიღწევა და "ბარსელონას" დამარცხება.

ოზილი თვლის, რომ მადრიდის "რეალის" მთავარი სამიზნე უნდა იყოს, ყველა დარჩენლი თამაშის მოგება, რომელიც ტიტულებს მოუტანს მადრიდის "რეალს."
"მე მადრიდში მოვხვდი და ყველაფერს გავაკეთებ ამ გუნდისათვის. ძალიან ბედნიერი ვარ, რომ აქ მიწევს თამაში. დარწმუნებული ვარ, გუნდის უკლებლივ ყველა ფეხბურთელი, ბოლომდე იბრძოლებს, რათა წარმატებას მივაღწიოთ."

ადაპტაცია შედარებით რთული აღმოჩნდა, სამი ხედირასთვის, რომელიც ოზილის თანამემამულე გახლავთ: "ბოლო დღეებია, სამი კარგად ვერ გამოიყურება, თუმცა უდავოდ ის არის გუნდისათვის ძალიან მნიშვნელოვანი ფეხბურთელი. ის დიდებული თანაგუნდელია." - თქვა გერმანელმა, რომელმაც მოურინიოს, ყოველგვარი ეჭვის გარეშე უწოდა - "განსაკუთრებული." "ჟოზეს ყოველთვის სურს, რომ გუნდის ფეხბურთელები 100%-ით დაიხარჯონ, როგორც ყველა მატჩში, ასევე ვარჯიშზეც, თუმცა ის ყოველთვის ცდილობს, ჩვენს გამხიარულებას და რჩევების მოცემას, რაც ძალიან მნიშვნელოვანია." - თქვა მან.

გერმანელმა ასევე დემონსტრირება გაუკეთა, თავის ახალ ბუცებს, "SupperFly III", რომელსაც მასთან ერთად: კრიშტიანო რონალდო, მარსელო, კუნ აგუერო, რეიესი, ადრიანო, ხუან მატა და ხესუს ნავასი მოირგებენ. "ახალი ბუცები ძალიან მსუბუქი და კომფორტულია. სხვა ბუცებით თამაშს ვეღარც წარმოვიდგენ." - თქვა ოზილმა.

წყარო: Www.Marca.Com