დღევანდელი მატჩის დაწყებამდე რამდენიმე საათით ადრე, მადრიდის "რეალის" და ლიონის "ოლიმპიკის" პრეზიდენტებმა სადილი გამართეს.

დღეს გაიმართება ჩემპიონთა ლიგის 1/8-ფინალური ეტაპის კიდევ ერთი დაპირისპირება მადრიდის "რეალსა" და "ლიონს" შორის. მატჩი დაიწყება 20:45 წუთზე (თბილისის დროით 23:45). სწორედ ამასთან დაკავშირებით ამავე გუნდების პრეზიდენტებმა, საკუთარ თანამშრომლებთან ერთად მადრიდულ რესტორანში ოფიციალური სადილი გამართეს.

მადრიდელებიდან სადილზე კლუბის პრეზიდენტი–ფლორენტინო პერესი; პირველი ვიცე-პრეზიდენტი–ფერნანდო ფერნანდეს ტაპიასი; გენერალური დირექტორი–ხორხე ვალდანო და ინსიტუციონალური ურთიერთობები დირექტორი– ემილიო ბუტრაგენიო იმყოფებოდნენ.