მადრიდული "ატლეტიკოს" მეკარემ დავიდ დე ხეამ "ას"-თან ინტერვიუში განაცხადა, რომ "რეალთან" მატჩის წინ ოპტიმისტურად არის განწყობილი. ახალგაზრდა ფეხბურთელის თქმით, ის და მისი პარტნიორები "რეალისადმი" შიშის გრძნობას არ განიცდიან.

"ახლა "რეალთან" დაპირისპირებისათვის ბევრად უკეთ ვართ მომზადებულნი, ვიდრე სათასო თამაშების წინ. ჩვენს განკარგულებაში "ატლეტიკოს" ყველა ძლიერი ფეხბურთელია და ამიტომ, დარწმუნებული ვარ, რომ დადგა დრო შეწყდეს ეს უარყოფით შედეგები "რეალის" წინააღმდეგ. ჩვენი გუნდი და გულშემატკივრები იმსახურებს "მადრიდის" დამარცხებას. ჩვენ არ გვეშინია "რეალისა" და მოურინიოსი, ჩვენ ვართ-"ატლეტიკო"-დაასრულა დე ხეამ