ლონდონის "არსენალი" პაბლო სარაბიას გადაბირებას შეეცდება.

მეთოფეების აზრით, მათ ნახევარ დაცვაში პრობლემები აქვთ. სწორედ ამიტომ ისინი პაბლო სარაბიას შეძენას აპირებენ და თვლიან, რომ ამ ტრანსფერით მათი პრობლემა სრულად აღმოიფხვრება.

ფრანცის კაგიგაო, "არსენალის" საუკეთესო სკაუტი თითქმის დარწმუნებულია იმაში, რომ ლონდონელები სეზონის დასრულების შემდეგ კაპიტანს, ცესკ ფაბრეგასს გამოემშვიდობებიან. სკაუტმა საუკეთესო ახალგაზრდა ნახევარმცველად მადრიდის "რეალის" 18 წლის პაბლო მიიჩნია.

"რამოდენიმე ევროპული კლუბი სარაბიას გადაბირებას ცდილობს. ფაქტია, რომ მას ძალიან დიდი მომავალი აქვს. იგი ძალიან ნიჭიერია. უახლოეს დღეებში მე მადრიდის "რეალის" დირექტორებს შევხვდები და ამ ტრანსფერთან დაკავშირებით დაველაპარაკები." - განაცხადა არსენალის სკაუტმა.