მადრიდის "რეალის" ესპანელმა ნახევარმცველმა, ესტებან გრანერომ ჟურნალისტებთან ინტერვიუში განაცხადა, რომ სამეფო კლუბი სრულად არის კონცენტრირებული ჩემპიონთა ლიგის მორიგ შეხვედრაზე, რომელიც ძალიან საპასუხისმგებლო იქნება...

"დასვენების დრო არ გვაქვს და ვთვლით, რომ უპრინციპულესი შეხვედრის გამართვა მოგვიწევს ფრანგებთან, ყველანი იმედიანად ვართ განწყობილნი და ბოლომდე ვიხარჯებით, ჟოზემ ყველაფერი კარგად აგვიხსნა და ბრძოლის ჟინი მოგვცა."

"1-1 ეს არის ანგარიში, რომელიც საფრანგეთში დავაფიქსირეთ, ჩვენთვის ნულოვანი ფრეც მისაღები იქნება, მაგრამ "ბლანკოსი" საკუთარ მოედანზე მხოლოდ მოსაგებად და უსიამოვნო ტრადიციის დასარღვევად გავა, გუნდი ძალიან მონდომებულია და დარწმუნებული ვარ შედეგს მივაღწევთ."

"ალიკანტელებთან მოგება ძალიან კარგი იყო, მაგრამ ეს თამაში უკვე დავიწყებას მიეცა, ჩვენთვის მთავარი ჩემპიონთა ლიგის განმეორებითი მატჩია."

"კრიშტიანო რონალდო 95 % ითამაშებს, რაც ძალიან მახარებს, პორტუგალიელი მოთამაშე ჩვენი გუნდისთვის ბევრს ნიშნავს და რა თქმა უნდა მისი დაბრუნება სასიხარულოა. ვგონებ, მას შეუძლია "რეალისთვის" უდიდესი დახმარების გაწევა."