გუშინდელი მატჩის შემდეგ მსოფლიოს ცნობილმა სპორტულმა გამოცემებმა ბენზემას თამაშს ვრცელი სტატიები მიუძღვნეს. თითოეულ მათგანს ორიგინალური სათაური ჰქონდა. ერთერთი სწორედ "Benz The Man" არის...

მოდი ყველაფერი თავიდან დავიწყოთ. "ბერნაბეუზე" ორივე გუნდი სპეციალური თეთრი მაისურებით გამოვიდნენ,რომელზეც ესპანურად ეწერა - "Animo Tote", ამით მათ თანაგრძნობა გამოუცხადეს და გამოჯანმრთელება უსუსრვეს ტოტეს,რომელმაც მძიმე ტავმა მიიღო და სავარაუდოდ სეზონის ბოლომდე ვერ შეძლებს მოედანზე გასვლას. ფეხბურთელებს ასევე მკლავებზე შავი სამკლაურებიც ჰქონდათ მორგებული იაპონიაში მომხდარი მიწისძვრის გამო. შეგახსენებთ,რომ 11 მარტს იაპონიაში ჯერ 8.9 ბალიანი მიწისძვრა მოხდა, ხოლო შემდეგ ცუნამი,რომელმაც 10 მეტრიანი ტალღებით იაპონიის სანაპირო ქალაქები შთანთქა. ფეხბურთელებმა მოედნის ცენტრში წუთიერი დუმილით პატივი მიაგეს დაღუპულთა სულებს.





მთელი მატჩის განმავლობაში "ბერნაბეუზე" შეკრებილი საზოგადოება მოურინიოს დამცავ ლოზუნგებს სკანდირებდა. "რეალის" გულშემატკივრები პორტუგალიელ სპეციალისტს მხარს უჭერენ იმაში,რომ მოუ უკმაყოფილიოა ესპანეთის ფეხბურთის ფედერაციით.



ჟოზე მოურინიომ ძირითადის რამდენიმე ფეხბურთელს "ლიონთან" მატჩამდე დასვენების საშუალება მისცა. სასტარტოში პეპე, კარვალიო და ხაბი ალონსო არ იყო. რონალდო კი საერთოდ განაცხადშიც ვერ მოხვდა. პორტუგალიელმა "მალაგასთან" მატჩსი ტრავმა მიიღო, მოიშუშა კიდეც,მაგრამ როგორც ჩანს გუშინდელი თამაშისთვის მზად არ იყო. მისი "დაბრუნება" "ლიონთან" შედგება. სამაგიეროდ მოუს საშუალება მიეცა ექსპერიმენტალური ტაქტიკა განეხორციელებინა. დაცვის ცენტრი რამოსსა და ალბიოლს ჩააბარა,ხოლო მარცხენა ფლანგზე არბელოა განაწესა,რომელმაც მართალც მაღალ დონეზე ჩაატარა გუშინდელი შეხვედრა. საყრდენად ლასანა დიარა და გრანერო თამაშობდნენ. ხოლო ადებაიორსა და ბენზემას პასებით ოზილი და დი მარია ამარაგებდნენ.



საწყისი წუთებიდანვე "რეალმა" დიდი ძალებით შეუტია ალიკანტელთა კარს,მაგრამ ამაოდ. მათი ცდა გოლის გატანაისა, ყოველთვის კრახით სრულდებოდა. ვინმეს,რომ მატჩის უყურებლად მატჩის პირველი 20 წუთის სტატისტიკური მონაცემები ენახა იფიქრებდა,რომ თამაშის სადავეები "ერკულესი" ეკავა. პროვინციელებმა ამ დროის განმავლობაში 5 კუთხური მოიპოვეს,მაგრამ ხეირიანად ვერცერთი ვერ ჩააწოდეს. "რეალის" მხრიდან სასწყის წუთებში უდავოდ გამორჩეული იყო დი მარია. მის მიართ საჯარიმოსთან ახლოს რამდენჯერმე დაირღვა თამაშის წესი,მაგრამ გოლად ვერცერთი მათგანი ვერ იქცა. 23-ე წუთზე ოზილმა უზადო გამჭოლი პასი გაუკეთა არბელოას ფლანგზე, ესპანელმა მცველმა სიტუაცია შესანიშნავად შეაფასა და კარისკენ მოძრავ ბენზემას გადააწოდა, ამ უკანასკნელმა კი შანსი არ დაუტოვა კალატაიუდს და ბურთი კარის ბადეში მოათავსა.



გოლის შემდეგ ალიკანტელები გამოცოცხლდნენ. ძირითადად ახალგაზრდა ფეხბურთელი კიკო უტევდა ინდივიდუალური ოსტატობის ხარჯზე. რამდენჯერმა მათ ძალზედ სახიფათოდ შეუტიეს და გოლის გატანის შანსებიც ჰქონდათ,მაგრამ იკერ კასილასმა "რეალი" გაშვებული გოლისგან იხსნა.



მეორე ტაიმის დასაწყისიდანვე "რეალმა" კვლავ შეუტია,თუმცა არც "ერკულსი" აპირებდა დანებებას. 56-ე წუთზე ანხელ დი მარიამ დიაგონალური გადაცემა გაუკეთა კარიმ ბენზემას. მცველის შეცდომის წყალობით ფრანგმა ბურთი მეტოქის ფლანგზე მიიღო, კარისკენ დაიწყო მოძრაობა, ჩამოიტოვა ერთი მცველი და მეკარეს შორეულ კუთხეში დაურტყა, ბურთი კარის ძელს შეეხო და შიგნით შეგორდა. უკანასკნელ მატჩებში ბენზემა ძალზედ გააქტიურდა, დაიწყო გოლების გატანა. შეიძლება ითქვას,რომ კრიშტიანო რონალდოს არყოფნისას გუნდის ლიდერადაც იქცა..



მატჩის იმედგაცრუება აშკარად ემანუელ ადებაიორი იყო. ტოგოელს რაიმე ღირებულის კი არ შეუქმნია მატჩის მანძილზე. მას თანაგუნდელებმა რამდენიმე 100%-იანი მომენტი შეუქმნეს,მაგრამ მან გოლის გატანა ვერ შეძლო. მატჩში მეტი მნიშვნელოვანი არაფერი მომხდარა. დამყარდა ერთი პირადი რეკორდიც, შეხვედრის არბიტრმა დელგადო ფერეირამ მხოლოდ ერთი ყვითელი ბარათი "გასცა". როგორც წესი ესპანელი არბიტრი მატჩში ბარათების დიდ რაოდენობას არიგებს.






















სტატიის ავტორი: WIShMASTER