EuroSport.Com-ის ცნობით მანჩესტერი მზად არის რუნი გუნდიდან გაუშვას.

გავრცელებული ინფორმაციის თანახმად რუნისა და სერ ალექსს შორის ძალიან დაძაბული მდგომარეობაა, ამის შესახებ ჯერ კიდევ შემოდგომაზე საუბრობდნენ, თუმცა შემდეგ ეს "ჭორები" ფერგიმ განაქარწყლა, რომელმაც რუნის სერიოზული მხარდაჭერა გამოუცხადა.

დღეს გავრცელებული ინფორმაციით კი ფერგისა და რუნის შორის კვლავ დაძაბული ურთიერთობაა. მართალია უეინი ძირითად შემადგენლობაში თამაშობს, მაგრამ გუშინდელი მატჩის შემდეგ, ფერგიმ რუნის უსაყვედურა: "სანამ სხვებს გააკრიტიკე საკუთარ თამაშს დააკვირდი!"

მანჩესტერ იუნაიტედში ირიცხება "ჩიჩარიტო", რომელიც ძალიან იმედის მომცემი თავდამსხმელია და როგორც ჩანს ფერგის აღარ ეშინია რუნის გუნდიდან გაშვება. ბრიტანელი ფორვარდის ფასი 60-დან 80 მლნ. ფუნტ სტერლინგამდე მერყეობს. ხოლო ფლორენტინო პერესს ძალიან უნდა ამ ფეხბურთელის გადმოყვანა და მისი რონალდოსთან შეწყვილება. თავის დროზე ეს დუეტი მეტოქე გუნდის დაცვას თავ-ზარს სცემდა.